الكبسه السعودى مقدمه من الشيف المتميز محمود عبد المحسن
الكبسه السعودى
مقدمه من الشيف محمود عبدالمحسن
مده التحضير ١٥ دقيقه
مده الطهى بالفراخ ١ساعه باللحمه ساعه ونصف
ننزل بالمقادير
١كيلو لحم خروف
١كيلو من الارز الهندى ابو كاس
التوابل
معلقه ملح
معلقه كمون
معلقه كسبره
نصف ملعقه كركم
٥حبان هيل او حبهان
٥حبات قرنفل
٣ حبات ليمون ناشف
خمس ورقات ورق لورا
توم مفروم ٨فصوص
جنزبيل مفروم قطعه فرش او ملعقه
٣حبات بصل مفرومين
نصف كيلو طماطم مضروب في الخلاط
معلقه صلصه معجون طماطم
الطريقه
اولا الارز نغسله كويس جدا لحين يكون الميه بتعته بيضا وننقعه لمده نصف ساعه ونصفيه
تانيا في قدر او حله علي النار نضع معلقتين زيت مع معلقه ذبده ونضيف البصل
والحنزبيل وونقلب والتوم لحين ياخدو اللون الدهبي وننزل باللحم ونقلب لمده ١٠ دقائق ونضيف جميع التوابل ماعدا الملح ونضيف الهيل والحبهان وعصير الطماطم ومعجون الطماطم ونقلب ونضيف كوبين من الشربه ونتركها تغلى اول ما تغلي نهدى النار ونتركها لمده ساعه ونضيف الملح بتاعنا مع المتابعه لحين اللحم يكون ناقص حاجه بسيطه نضيف الارز ونتركه يغلي ولما يتشرب نغطى ونهدى النار شمعه مع رشه زعفران على وش الارز ونغطى ونتركها علي نار هاديه لمده ٢٠ دقيقه وناكل احلي كبسه بالنسبه لكبسه الدجاج
نضع الدجاج لحين يقرب يستوى وننزل بالارز ونفس الوقت لحين يتشرب الارز وتغطى مع رشه زعفران علي نار هاديه لمده ٢٠دقيقه واحلي كبسه و بالهنا
معلش طولت عليكم ماهو لازم كل حاجه نقولها بحزفيرها واى استفسار تحت امركم
