برنامج ” حكاية نجاح ” يناقش أهم قضايا الطب النفسي
تغطية حصرية : عمر آدم
في إحدى حلقات برنامج ” حكاية نجاح ” التي تقدمه الإعلامية ” كريستينا جمال ” الذي يعرض علي قناة ” الحدث اليوم ” كان ضيف تلك الحلقة الدكتور ” هشام عبدالله ” أخصائي الطب النفسي و الصحة النفسية ، و دارت الحلقة عن أهمية الدكتور النفسي و كيفية التعامل مع المرض النفسي و أنواعه و كيفية عرض تلك المشكلة علي الدكتور النفسي .
و بدأت الحديث بسؤال الدكتور ” هشام عبدالله ” ؛ في مقوله بتقول ” كلنا يا عزيزي مرضي نفسيين ” ، هل يا دكتور كلنا مرضي نفسيين و لا في ناس أصحاء نفسياً ؟
هو الموضوع مش بالظبط كده ؛ هو الموضوع إن كلنا في حياتنا بتحصل مشاكل و بتحصل ضغوطات و بتحصل سقطات زي ما حضرتك قولتي في المقدمة ، الفكرة كلها إن أنا النهاردة أي شخص طبيعي في صوت بيجي له في دماغه و في صوت تاني بيجي له و في ناس بيجيلها ثلاث أو أربع أصوات ، بيقال عليها الأفكار أو الخواطر ؛ هنا بقا حضرتك بتستخدميها إزاي ؟ أنا بستخدمها إزاي ؟ ده بيستخدمها إزاي ؟ ده بقى اللي بيفرق ، أنا النهاردة بعرف أستخدم الصح و بعرف أستخدم الغلط و بعرف أخد قرار ؛ فأنا كده سوي نفسياً ، فيه ناس ما بتعرفش تستخدم الأصوات دي صح الكلام و بيبقى عندها إضطراب نفسي و في ناس الأصوات دي بتسيطر عليها و بتخليها تتعزل و بيخليها تبقى لوحدها و ييخليها توصل لنوبات و توصل لحاجات معينة هي مش حملها ؛ ده الشخص الغير سوي نفسياً و محتاج إن هو يزور حد أو أخصائي و يقعد معه و يتكلم معه علشان يبدأ يشخص حالته بناءاً على دراسته و بناءاً على علمه ؛ طيب ما هو معلش يعني أنا دلوقتي لو رحت قلت لهم في البيت أنا رايحة لأخصائي أو دكتور هيقولولي لي يا بنتي إنتي إتجنتني ما إنتي زي الفل أهو و بتشتغلي و بتنتجي و بتربي أولادك و إيه اللي يخليكي تروحي لدكتور نفسي ؛ دي الثقافة اللي موجوده للأسف .
عندنا الحاجة التانية اللي بتمنعني أروح لدكتور أو أخصائي ؛ ما هو أنا مش منطقي برضو أروح أدفع الف جنيه عشان أقعد اتكلم مع دكتور ساعة و لا ساعتين ؛ في ظل الظروف اللي البلد بتمر بها و العالم كله بيمر بها ؛ لا و الله ولادي أولى بيها طبعاً .
