شرائح الكبده بصوص الديمجلاس مقدم من رقيه ايمن
النهارده هنعمل مع بعض الكبده الشرائح بطريقه مختلفه وجديده طبعا زهقنا كل مرة نقليها بالرده أو البقسماط المرة دي هنعملها بيكاتا بصوص جميل جدا وطعمه روعه وهو صوص الديمجلاس جربوها وقولولي رايكم
مده التحضير 60 دقيقه
مده الطهي 15 دقيقه
المكونات
٢/١ كيلو كبده شرائح محمله
ملح
كمون
توم بودر
عصير ليمون
٢ ملعقه دقيق للتعفير
١ ملعقه بودر صوص الديمجلاس
١ كوب ماء
١ ملعقه كبيره ذبدة
مكرونه أو ارز للتقديم
الطريقه
اولا نتبل الكبده بالملح و الكمون و عصير الليمون والتوم البودرة ونتركها في التتبيله ساعه وبعد ذلك نعفرها بالدقيق ونضعها علي الجريل ساخن نشوحها من الجانبين ونطلعها من الجريل ونضع مكانها الذبدة ونص ملعقه دقيق ونشوحهم ونضع معلقه البودر صوص الديمجلاس علي كوب ماء وندوبهم مع بعض ونضعها علي الدقيق والذبدة ونقلبهم مع بعض حتي يصبح قوامها متوسط ونضع عليها شرائح الكبده ونتركها علي النار ٥ دقائق ونقدمها مع الارز او المكرونه وبالهنا
رئيس قسم المطبخ أ / جيهان جعفر
