أحدث أخبار الفن والرياضة والثقافة والمرأة والمجتمع والمشاهير في كل المجالات

كحك بالفستق مقدم من : نانا حسن

مدة التحضير : ساعة
مدة التسوية : ١٠:١٥ دقيقة
‏‎المقادير
‏‎ا كيلو دقيق
‏‎٥٠٠ جم سمنة ( ويمكن جعل المقدار ربع كيلو زبدة بلدى وربع كيلو سمنة )
‏‎٤ معالق كبيرة سمسم محمص
‏‎ا معلقة كبيرة خميرة
‏‎٣/٤ كوب (١٥٠جم ) سكر بودرة
‏‎٣/٤ كوب (١٥٠ جم ) ميا دافئة او حليب للعجن على حسب احتياج العجين
‏‎٣ معالق كبيرة حليب بودرة
‏‎ا معلقة صغيرة ريحة كحك
‏‎رشة فانيليا

‏‎ملحوظة قبل عمل الكحك
‏‎سواء قدحتى السمن او لاء عادى الاتنين صح
‏‎الفكرة من قدح السمن ان زمان كانوا بيعملوا كميات كبيرة وكانوا بيقدحوا السمنة عشان الكحك يفضل اطول فترة معاهم سليم
‏‎لو هتعملى كمية صغيرة اعمليه على البارد احسن وصحى اكتر

‏‎طريقة الكحك

‏‎فى اناء على النار نضع السمنة تسخن ( ولو هتعمليه على البارد
‏‎ضيفى السمنة السايلة للدقيق على طول. ) وفى اناء تانى نضع الدقيق والسمسم وريحة الكحك والفانيليا والسكر والحليب البودرة وننزل عليهم بالسمنة ونفرك بالراحة حتى يتغلل الدقيق بالسمنة ،
‏‎ندوب الخميرة فى الحليب و نضيفها للدقيق والسمنة ونعجن بالراحة حتى تتشكل عجينة وونكورها كور صغيرة ونضع فيها الحشوة وننقشها بالمنقاش او نضعها فى الكحاكة ونرصها فى الصاج ونتركها حتى تخمر وندخلها الفرن على نار ١٨٠ لحد مالونها يبقى وردى ونطلعها نزينها بالسكر وبالف هنا
رئيسة قسم المطبخ ا/ جيهان جعفر

قد يعجبك ايضآ
اترك رد

لن يتم نشر عنوان بريدك الإلكتروني.