“ومنين أجيب ناس لمعناة الشعور يتلوه!!”
شاهد بالفيديو
شعر وأغانى ياما كتير وصفوه
ده قلب داب من حزنه على اللِّى فاتوه
وغيره شاعر بالعذاب لفراق أحبه باعوه
في ناس تحس الخوف من الماضى واللى شافوه
عايشه الحياة تستنى إيه اللِّى هيقابلوه
وإيه كان وإمتى يكون أما الأوان نسيوه
شعور أوقات بيأس كبير وخيبة أمل
وراها حماس وهمه عجيبه لسعى وعمل
شعور تأنيب لذنب غلطت وعملته
وراه معاناه وحمل تقيل أنا شلته
وفينا مَن شعر بالأسى
على اللي إفتكرهم
ووسط الزحمة إتنسى
بعد الوجع شاف الحياه مدرسه
فيه ناس بتشعر بالضياع
بعد الفراق يوم الوداع
وناس شايفة السلام أوهام
عايشة مابين هموم وآلام
لو حتى وسط النور
تشوفه ظلام!!
وأصعب شعور ..
هو الشعور من غير شعور
تمثيلية وواخد فيها دور
الضحكة زور ..
بقناع لطيف اسمه السرور
بين الحقيقة وبينك ألف سور
ضعفك قوى حد الغرور
أوراقه تطرح فيك من غير جدور
تمر السنين تلف بيك وتدور..
أمَّا اللِّى خانه حبيب هيلمسه خوفى
واللى عمره ما كان له قيمة
يعذرنى فى كسوفى ..
أصل لما حروفى تاهت
حبست كلامى فى جوفى
أما عن أصدق شعور..
إنك تحس الحب
ساعتها تلقى الضلمة نور
واصل لجوه القلب
حبة مشاعر إيييه!
دى قوية وجبارة
تراعيها تكسب
تهملها يا ألف خسارة
ياتعيش معاها نعيم
ياتعيشها بمرارة!
ومهما نوصف فى المشاعر
مايحسهاش غير اللى شاعر
حتى لو يوصفها ألف شاعر
هى فينا طول مافى جوانا روح
جنة القلب السليم نار على المجروح
ومهما تهرب معاك منين ماتروح
ولا يعرف شعورك غير مَن جربوه
ولا كل من قال كلام للمعنى قربوه
فمنين نجيب ناس لمعناة الشعور
يتلوه؟!
