أحدث أخبار الفن والرياضة والثقافة والمرأة والمجتمع والمشاهير في كل المجالات

حكاية حياه .. قصه قصيره بقلم / آيه أسامة


حكاية حياه .. قصه قصيره 

 

المزيد من المشاركات

قراءة في خمّارة القط الأسود لنجيب محفوظ

بقلم / آيه أسامة 

-مين حياه ؟
حياه هي بطلة حكايتنا..
-طب ايه هي حكاية حياه ؟
حكايتها شبه حكاية بنات كتير زيها اتربوا في في أسره ريفيه بسيطه مع عيله عددها عشر افراد طبعاً حياتهم بتبقي صعبه.. لو يوم عدى و في رغيف عيش في البيت بيناموا مرتاحين ..
الأب في العيله دي بيحاول علي قد ما يقدر يخلي عيلته شبعانه او علي الاقل ميناموش جعانين بس ازاي ؟!!
دول تسع بنات و مامتهم يجيب منين ؟
و بتيجي الفكره هنا .. تسع بنات يتجوزوا و كل واحده فيهم ملهاش الا بيت جوزها و اهو يتستروا كمان …
و هنا بتبدأ حكاية حياه..
بنت عندها ١٣ سنه اكبر واحده ف اخواتها فكان الطبيعي تبقى اول واحده ( تتستر ) زي ما باباها كان بيقول:
حياه…بتلعب مع اصغر واحده ف اخواتها اللي عندها سنتين بالعروسة بتاعتها و بتنادي الأم علي حياه و بتاخدها تجهزها وتلبسها و حياه مش فاهمه هي ليه مامتها مهتمه بيها كدا انهارده ! و ليه مخلتهاش تشوف شغل البيت زي كل يوم ! و ليه بتلبسها الفستان دا ! كل دي اسئله بتسألها لنفسها و ف نفس الوقت عروستها ف ايدها ماسكه فيها خايفه مامتها تاخدها منها …
بعدها بتيجي عربيه كبيره تقف قدام بيتهم ..صوت زغاريط قدام البيت و حوالين العربيه و ناس من البلد جايه بتغني و حياه مش فاهمه بتسأل نفسها في ايه ؟؟!
بتشب بتحاول تشوف و بترفع راسها عايزه تعرف مين الراجل العجوز دا ؟ طب ليه بيسلم على باباها ؟ طب هي الناس دي ليه كلهم ملمومه ف البيت كدا ؟
بتجري حياه و عروستها ف ايدها عايزه تسأل مامتها
-يا ماما يا ماااما هو ايه اللي بيحصل ؟ مين الناس اللي برا دول ؟ هو في فرح عندنا ف البلد ولا ايه ؟!
-بترد مامتها و بتاخد منها عروستها و تقولها ايوا يا حياه دا فرح .. اصل انتي جه الدور عليكي انك تبقي العروسه ….
تسكت حياه و فجأة مش بتسمع اي صوت حواليها و بتلاقي نفسها لابسه فستان الفرح و داخله بيت أكبر من بيتها عشر مرات و اهلها واقفين برا و اختها الاصغر منها ماسكه نفس عروستها ..
اهلها اختاروا ليها انها تبقي زوجه و أم و هي لسه طفله عندها ١٤ سنه كانوا فاكرين ان هي دي الحياه اللي هتخلي بنتهم سعيده او هتريحهم هما ..
لكن مكانوش عارفين ان حياه راحت منهم
و فعلاً بعد سنه جات بنت حياه و هي لسه مش فاهمه ازاي فجأه بقى معاها بنت قد اختها اللي كانت لسه بتلعب معاها
و المفروض انها مامتها و الفرق بينهم ١٤ سنه طب ازاي ؟؟!
شايله بنتها علي ايدها زي ما كانت شايله عروستها بالظبط..
و تعدي سنه كمان و بيموت الراجل اللي اتجوزها طفله و سابها ارمله عندها ١٥ سنه مع بنت لسه مولوده عندها سنه ..
ولسه حياه مش فاهمه هي ازاي وصلت لكدا و ازاي لسه اخواتها بيحصل معاهم نفس الحكاية !!
بس حياه بتكمل و بتختار بنتها
و بتختار ان #من_حقها_تعيش_سنها
و بتحاول تحمي بنتها من اي حاجه تخليها ف يوم من الايام تعيش اللي حياه عاشته
و كفايه حياه واحده …
#لست_سلعه
#حريتي_في_اختياري

قد يعجبك ايضآ
اترك رد

لن يتم نشر عنوان بريدك الإلكتروني.