أسرار في فن المكياج مع خبيرة التجميل نصيرة صالح

أسرار في فن المكياج مع خبيرة التجميل نصيرة صالح :

نصيرة صالح ، خبيرة تجميل مصرية ، زينت الكثير من العرائس واستطاعت بفضل مهارتها أن تصبح الماكيرة الخاصة لبعض نجوم الفن . تحكي لنا خبيرة التجميل نصيرة صالح  في حوار خاص لجريدة أسرار المشاهير عن تجربيتها في دخول عالم التجميل وتعطي لنا بعض النصائح الخاصة لكل عروسة ولكل البنات وكيفية وضع مكياج مثالي لإطلالة فريدة وعصرية.

 وإليكم تفاصيل الحوار:

  • ممكن في البداية نتعرف علي مين نصيرة ؟

انا نصيرة صالح مصرية وفخورة اني مصرية طبعا ، وبشتغل ميكب ارتست، بدأت من سنة 2009 ،واستمرت طبعا وتوقفت شوية  سنة 2020 فترة الكورونا وزي كل الناس وقفنا شوية بسببها، والحمدالله حاليا الامور بدأت تستقر وارجع للعمل بشكل أفضل، مع العلم انى حاصلة علي بكالوريوس تجارة.

 

  • عملك كـ ميكب ارتست كانت هواية ولا بشكل احترافي ؟

بسبب حبي للرسم والفن حبيت ادرس واتعرف علي الجديد في عالم الفن ، فعملت دبلومة، وسافرت خارج مصر، عملت ميك أب فور إيفر أكاديمي دبي، ودبلومة في مدرسة بلندن حضرت مع خبراء في مجال المكياج في ورش عمل مع بسام فتوح ، طلال مرقص ، فادي قطايا، هند الجبري، خبيرة التجميل معصومة،لأن كل يوم في جديد في عالم الميكب ، ولأن لازم أحدث من شغلي واتطور فيه لكي استمر في عالم خبراء التجميل.

 

  • مين السبب في دخولك في فن التجميل والعمل كخبيرة تجميل؟

بصراحة بنتي كانت السبب وقالتلي يا مامي حضرتك شاطرة وعندك حس حلو في حط الميكب  ففكرت في الموضوع واشتغل باحترافية اكتر وقرارت اخد دبلومة افضل من الكورسات عشان ادرس صح الوجه وكيفية وضع الميكب بشكل صحيح ، لان الميكب دراسة وكل جزء من الوجه دراسة لوحدة لأن الناحية اليمين غير الناحية الشمال، وعشان تكوني ميكب ارتست ناجحة ومستمرة في مجالك لازم تكوني دارسة فن التجميل من الألف إلي الياء ولحد النهاية.

 

  • لو فرضنا إن في عروسة جتلك وشكلها مرهق جدا ممكن تعملي ايه ؟

عمل سكين كير في الاول لمدة نصف ساعة وبعدها ابدأ أفوق بشرتها ببعض الكريمات ، للوجه المرهق أو التعبان ، من ميكب فورايفر حلو جدا  ، لما يتحط علي البشرة وببدا اعمل الميكب بتدي نتيجة هايلة وهتحسي بالفرق.

  • نصيحة لكل عروسة تهتم ببشرتها ازاي قبل الفرح ؟

سؤال مهم جدا جدا جدا فعلا ، في الأول حابه أقول إن البشرة لازم تتنفس زي أي حاجة بتتنفس ،أنا بنصح كل العرايس ارجوكم ارجوكم مافي حد يسمع لكلام حد ، فلازم اروح للدكتور الجلدية أو جلدية وتجميل لأنه دارس وعارف كل نوع بشرة وكل نوع بشرة محتاجة كريمات نوع إيه ولأن في بشرة حساسة جدا ماتتحمليش أي شيء، وأهم حاجة الأكل الصحي وشرب مياه كتير.

  • بتختاري ألوان الميكب للعروسة حسب بشرتها ولا حسب الفستان؟

يكون حساب الفيس بتاع ولون البشرة جدا وبيفرق.

 

  • ممكن تقوللنا ايه الموضه لسنة 2021 في ألوان الميكب؟

  • والميكب بيرتبط بموضة معينه؟

اه طبعا الميكب يرتبط بموضه معينه ، ولكن تختلف من شخص لشخص ، يعني مثلا الألوان التربية انا بحبها جدا جدا ، لاني بحب اعمل ميكب علي لبناني شوية ،الميكب الطبيعي من غير تغير الملامح وتحسي انه طبيعي جدا ، وبتطلع حلوة ورقيقة ورسم العيون بشكل معين ، حتي ايلاينرماعديش موضة، والميكب بيعتمد علي الرموش والفينيش الخاص بالوجه، المهم انه في النهاية يطلع حلو قوي.

  • نقول نصيرة صالح ميكب ارتست خاص بالعرايس والفنانيين؟ مين من الفنانين عملتي لها ميكب ؟

اشتغلت مع الفنانة مروة الأزلي ،والفنانة الجميلة راند البحيري ،ومروة عبدالمنعم. غير شغلي في بعض الاعمال الفنية والدرامية .

  • خبرة حصري خاص بجريدة اسرار المشاهير ؟

احنا فريق العمل انا والفاشون ديزاين مرام البنا ، مع مجموعة اخرى من خبراء التجميل ومصممين الازياء ومصورين هنعمل لوكات خاصة بالعرايس 2022 ان شاء الله.

  • نفسك في ايه الفترة القادمة ؟

نفسي في ان البنات اللي في الجامعة وصغار السن تعيش حياته بطبيعتها لما تحط فول ميكب امال لما تتخطبوا ايه الجديد فيكم فلازم يتعلموا ثقافة الميكب، اتعلمي ازي تحطي ميكب ، ولازم تحطي المناسب لسنك، وعشان متطلعيش اكبر من سنك بكتير بسبب استخدم الميكب بشكل غلط ، وكل فترة وليها ميكب مخصوص زي الجامعة وما قبلها، عشان كمان يكون شكلك مختلف يوم فرحك او خطوبتك.

  • بمناسبة دخولنا فترة الدراسة وخصوصا الجامعة ؟ نصيحة لطلبات ايه الالوان المستخدمة في فترة الجامعة ونزلهم الصبح؟

الالوان الترابي هكتون سمبل ومتغيرش من شكلها وتطلع رقيقة جدا .

  • نصيحة اخيرا وسر من اسرار المهنه؟

  1. بسبب السهر وعدم شرب المياة بشكل مستمر بتسبب هالات سوداء تحت العين نصيحة وضع الكوركتر الاول وبعدين نحط الكونسيلر، عشان مايغيرش لون الجفن برمادي او يقلب معاكم لون مختلف.

  2. بالنسبة لترطيب الشفايف لازم شرب المياة بشكل مستمر، ووضع للبشرة كريمات الليل والنهار بنصيحة الدكتور،عشان تكون بشرتك نضرة مثل المشاهير، ونوم بدري ، والحفاظ علي الاكل الصحي .

  3. نصيحة اخيرهواخيرا احب اشكر حضرتك واشكر جريدة اسرار المشاهير لإتاحة الفرصة انى اتكلم واقول لكل البنات والناس بنصائح والمعلومات ،واستخدام الميكب بشكل صحيح، عشان يعيشوا بدون مشاكل في بشرتهم ويكونوا مبسوطين ومرتاحين .

  4.  عدم تنظيف البشرة كتير زي ما بنشوف علي السويشال ميديا لانها بتفتح المسام وبتسبب مع الوقت مسام واسعه.

  5. تظبيط فيتامين د لانه مهم جدا للجسم.

قد يعجبك ايضآ