أنواع الجيبات.. بقلم بيري
أنواع الجيبات.. بقلم بيري
الجيبات من الحاجات اللي نازلة موضة وبشده هذا الموسم بعد ما كانت اختفت شوية في الفترة الماضية وبقى معظمنا تقريبا اللبس الاساسي بتاعنا هو البنطلون سواء الجينز او الكلاسيك ولما رجعت نزلت موضة الجيبات تاني بقينا مترديين اننا نشتري الجيبة عشان مش بنعرف ازاي نلبسها بطريقة يطلع شكلها حلو, حتى اللي لبسهم كله معتمد على الجيبات بس ساعات كتير بيحتاروا ازاي يلبسوها عشان تطلع بشكل شيك
انواع الجيبات
وفي هذا المقال هنعرف انواعها وازاي نلبس كل موديل بطريقة صح عشان يطلع شكله شيك وحلو.
ياللا نعرف مع بعض ازاي تلبسي الجيبة بطرق مختلفة ونتعرف على كل استايل وازاي نلبسه:
1- الجيبة الـ A – Line: اللي على شكل حرف A اللي هي بتكون من فوق ضيقة ونازلة على واسع, موديل الجيبات دي بتليق على كل اشكال الجسم, وخصوصا لو عندك منطقة الفخدين والبطن مليانة هتبقى مناسبة جدا انها تداري المنطقة اللي تحت وهتداري عيوب الجسم.
الاستايل ده من الجيبات ممكن يتلبس بلوك كاجوال ورياضي يعني تلبسي عليه تيشيرت برقبه حرف V هيبقى مناسب اوي معاها ونلبس وفوقيه بليزر او جاكيت جينز, والافضل اننا نختار التيشرت يكون ضيق او واخد شكل الجسم عشان تحددي منطقة الوسط وتديها شكل اصغر, وبالنسبة للشوز هيمشي معاها جدا الكوتشي او السنيكرر, وعشان نكمل اللوك بتاعنا بشكل حلو مننساش الاكسسوار الحلق او العقد.
2: الجيبات القصيرة بتبقى حلوة جدا لو لبسنا تحتها شراب ملون بتدي لوك حلو اوي, وبالنسبة للشوز انسب حاجة يتلبس عليها شوز فلات في الصيف وفي الشتا نلبس كاجوال بوت مع شراب تخين ملون, وطبعا نكمل اللوك بالاكسسوار المناسب الجيبة المكشكشة او الطبقات
3: الجيبة اللي بتكون طبقات فوق بعض دي مناسبة جدا للجسم الرفيع عشان بتدي حجم اكبر او لوعايزة تبيني المنطقة اللي تحت اكبر او بشكل انثوي اكتر يبقى ده انسب موديل ليكي, وانسب حاجة تلبسي عليها من فوق توب او بلوزة تكون بسيطة اوي عشان اللوك ميبقاش اوفر ويبقى في تناسق وفي الشتا ممكن تلبسي عليها جاكيت جلد, والبسي عليها شوز عادي في الصيف وفي الشتا يتلبس عليها انكل بوت.
4:: الجيبة اللي فيها كُسر معروفه باسم البليسيه😅
انسب حاجة تتلبس مع موديل الجيبات اللي بيكون فيها كُسر هو التوب اللي بيكون بياقة مستديرة , او قميص خفيف, وممكن تلبسي الجيبة والتوب بنفس اللون وتكسري اللون بانك تلبسي الشوز بس لون مختلف يمشي معاهم الجيبة اللي طولها متوسط اوالميدي سكيرت
الجيبة اللي طولها متوسط مناسبة لكل اشكال الجسم وبتدي طول للساقين, وممكن تنسقيها مع اي حاجة من فوق توب او بلوزة, ومهم جدا اختيار الشوز الصح اللي يتلبس على الجيبة دي لانه هيغير اللوك بتاعها خالص انسب حاجة تلبسي عليها شوز اللي بيكون موديله مدبب من قدام وبكعب صغير اوالـ Kitten Heel ده افضل استايل عليها هيطلع اشيك واحلى, ولو في الشتا ممكن تجربي تلبسي عليها البوت اللي داخل فيه الدانتيل او انكل بوت, وممكن تختاري لون الشوز غامق او فيه رسمه. الجيبة السك او اللي واخدة شكل الجسم
5:::الجيبة اللي واخدة شكل الجسم بتدي لوك انثوي اوي, افضل حاجة تتلبس عليها بلوزة حرير بتبقى حلوة اوي, وممكن تختاري منها السادة او المطبوعة باكتر من لون, والبسي عليها شوز بكعب عالي عشان تكملي اللوك بتاعك بطريقة شيك.
وافضل استايل من الموديل ده اللي بيكون تحت الركبة على طول
6:::. الجيبة الماكسي اوالطويلة
الموديل ده من الجيبات بيناسب كل اشكال الجسم, حتى للقصيرين هتبقى مناسبة لو التبس معاها شوز ودجز, ممكن تنسقي معاها تيشيرت او قميص جينز, ولو في الشتا ممكن تلبسي عليه جاكيت جلد, وعشان تديها لوك احلى ممكن تلبسي عليها حزام او لو لابسة عليها قميص ممكن تربطي القميص عشان تحددي منطقة الوسط, والشوز الرياضي من اكتر الحاجات اللي بتطلع حلوة على الجيبة الماكسي. الجيبة الملفوفة اللي بتكون كانها قطعتين جايين على بعض, الجيبة دي مناسب جدا تلبسي معاها حزام عشان تحدد شكلها اكتر وتديها شكل احلى, وممكن تلبسي عليها شوز رياضي الصبح عشان تديها لوك كاجوال او شوز بكعب لو خارجة بيها بالليل يعني يمشي عليها الاتنين, وتلبسي عليها من فوق توب واخد شكل الجسم, ونسقي معاها اكسسوار مناسب ممكن تلبسي عقد لولي او عقد بسيط ولو عايزة لوك اقوى ممكن تلبسي عقد كبير.
