أه منك يازمن…كلمات/أيمن بحر
أه منك يازمن
كلمات/أيمن بحر
قالوا أه منك يازمن
قولتلهم الزمن مظلوم
الحقد ساكن فى القلوب
والخير لبعضنا معدوم
عيون الناس على بعضها
ومحدش راضى بالمقسوم
محدش عاجبه عيشته
لا الغنى فيها ولا المحروم
الدنيا دنيا الشقى
ومليانة بالتعب والهموم
المزيد من المشاركات
ناس تخوض فى أعراض ناس
بالعيبة والنميمة وكلام مسموم
وناس تظلم فى ناس
ومحدش بينصف المظلوم
والمنافق ياخد أكتر من حقه
والشريف حقه مهضوم
والباطل من الناس مسنود
والحق قدام الباطل مهزوم
الزمن أيام وبتجرى
وشاهد على بلاويكم يوم بيوم
أه لو الزمن يتكلم
كان خذلكم بالعتاب واللوم