أحدث أخبار الفن والرياضة والثقافة والمرأة والمجتمع والمشاهير في كل المجالات

“إختر زاويتك..ال FACEBOOK Memories”

إختر زاويتك..

ال FACEBOOK Memories

بقلم/ دعاء خطاب 

 لما تشوف كلامك وأرائك واللي كنت مآمن بيه ومصدق فيه بقوه من كام سنه فاتوا.. أول حاجه بتيجي في بالك لما بتشوفه.. أد إيه كنت ساذج وعلىٰ نياتك ويمكن كمان قليل الخبره، اد إيه كنت مصدق في كل كلمه كتبتها وكل المشاعر اللي ياما اتكلمت عنها اتأذيت واتوجعت ويمكن تكون خسرت ناس وعلاقات وأنهزمت بينك وبين نفسك.. تعبت ده صحيح اتألمت ده حصل فعلًا وقعت واتكسرت ويمكن جاء عليك وقت فقدت فيه بوصلتك وإيمانك بحاجات حلوه كتير كنت مصدق فيها.

 بس كمان الذكريات دي ممكن تكون مقياس ليك وعلامات علىٰ الطريق، أد إيه اشتغلت علىٰ نفسك وطورت في شخصيتك اد إيه استفدت وأد إيه نضجت وكسبت خبرات ومعرفه واصدقاء، أد إيه أخدت عبر وتعلمت دروس مع كل خيبه أمل وكل سقطه وكل صدمه وإزاي لما وقعت رجعت قومت ومين كان معاك ومد بإيده رفعك ومين جبر كسر قلبك وطبطب عليك بجد وطمنك وحسسك إن الدنيا لسه بخير.

ومين ربنا سخره ليك علشان يساعدك وأد إيه عوض ربنا ليك جميل، ومقدار قوة إستعانتك بالله عز وجل وقت محنتك واد إيه الصعب اللي عدىٰ عليك زادك قرب منه سبحانه وتعلق قلبك بيه أكتر وأكتر، ومقدار الصبر اللي اكتسبته واليقين بربنا اللي زاد، والدنيا اللي عرفت إنها مش مستاهله تزعل عليها ولا تزعل منها ولا تجري فيها شرق وغرب ومش حتاخد منها غير نصيبك. 

هي صحيح حقيقه واحده.. 

لكن ليها عدة زوايا تقدر تشوفها منها”

إختر زاويتك الصحيحه.

دعاء خطاب 

قد يعجبك ايضآ
اترك رد

لن يتم نشر عنوان بريدك الإلكتروني.