إنتحار روبوت

إنتحار روبوت

كتب : رانيا كمال العربى

ست البيت الغلبانه أم العيال تصحي من النوم يادوبك تغسل وشها وتصلي والمفعوص الصغير طبعا لازق ومتشعبط فيها كانها هتهرب لاسمح الله..ياسيدي قاعدة لكم هيا هتروح فين بس سيبها حتي تدخل الحمام ومش لازم تفتحوه عالمشاع والجيران كلهم يسمعوا الحوار الشيق والزعيق بتاعكم اللي جوه!!
والمفروض ان اسمه بيت الراحه يعني المكان الوحيد اللي بتكون فيه لوحدها وواخده راحتها لكن طبعا المفعوص الاوزعه ميهونش عليه يسيبها لوحدها ودي تيجي ده انا هعمل بارتي واجيب لعبي كلها عشان كلنا نشاركك اللحظه!!
وبعد فقرة الحمام تيجي فقره المطبخ والمفعوص لسه لازق لها فتضطر تقعده جمبها علي رخامه المطبخ والامر مايسلمش انه يلعب في علبه الملح او الفلفل وممكن يقلب الكمون عالكسبره وهتكتشف انها حطت فلفل اسود بدل الكسبرة في طشة الملوخيه !! و عشان كده الدول الاجنبيه بداوا يعملوا روبوت يعمل شغل البيت ويساعد الستات الغلابه وفعلا بقي بيطبخ ويغسل وينشر ويغسل المواعين ويكنس ويمسح!! وفي يوم حزين
مقدرش الروبوت انه يتحمل شغل المطبخ الشاق وفتح البوتاجاز وولع في نفسه وكتب رساله قال فيها
هاتوا لكم شغاله انا اتخنقت منكم ومن شغل البيت ربنا يهد المفترى

 

قد يعجبك ايضآ