الحلم موجود…للشاعر/محمد غبن
الحلم موجود
الشاعر/محمد غبن
كلمات عاميه بلغة محكيه
المزيد من المشاركات
إوعاهم يقولولك الحلم مات وإندفن
ومعدتش باقي غير توب مرسوم علي هيئة كفن
إتعب جاهد لجل تعيش
وإوعاك تبكي علي وقوع اللبن
العمر معاك علي أد ماتقدر جاهد
إنشف وإتحمل عارف أنك جامد
وإرمي همومك كفيل بيها الزمن
بلاش تبقي مستسلم إتعب علي عمرك لجل يحافظ عليك
لو تعبك وصل عنان السما هتنجح وقتها وهتلاقي الناس كلها حواليك
نصيحتي ليك واضحه ومرئ العين تاجر مع الله هيوسع رزقك ويحميك
هتلاقي الحلم إتحقق تفرح وقتها وتفرح اهلك و ذويك
الموضوع مفيش اسهل منه كل ماتسعي هتلاقي نفسك راضيه عليك