الشاعرة فاطمة السيد .. قلبي بيسأل … كنوز الشعر القادمة

قلبي بيسأل رد عليــــــــه
ليه مانتاش كده زي الأول
وأما تشوفنا بتبعد ليـــــــه
وبعدك عنا كمان بيطــــول
********
هو احنا ياواد مش عاجبينك
رافع حاجبك فوق بجبينـــك
ولا عشان بنقـــول حبينــــك
عنا تـروح بعنيك تتحــــــول
********
ونعاتبك تعمل مشغــــــــــول
وتعدي ولا تقول سلامــــــات
وتشمت عوزال وحســــــــود
وفايتنــــــــا بألام وآهـــــــات
***********
وان قولنا ف يوم نبعد عنك
عامل روحك آل ولا همـــك
تشكي لخالك تشكــي لعمــك
زينا مين هتلاقــــي يضمـــك
*********
راجع قلبك راجع روحـــك
داوي قلوب دابت بجروحـك
تعطف تعند عنـهـا وتبعــــــــد
وغـرورك قالك دا طموحـــك
**********
خوفي لبكره ف يوم ننساك
ونودع هجرك وجفــــــــــاك
سهرت عيني طول لياليــــــك
شمعهــــا قايــــــد تستنـــــاك
********
قلبي بيسأل رد عليــــــــه
ليه مانتاش كــده زي الأول
وأما تشوفنا بتبعــد ليـــــــه
وبعدك عنا كمــان بيطــــول
————————-
القصيدة نالت 60% تقدير اللجنة

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد