“الصبر بعد القبر”بتقول ايه يا حزن ولمين؟!

بتقول ايه يا حزن؟!ناديت علي مين:-كتبت/ماريانا مختار

 

ايام صعبة و تقيلة،مُره كالعلقم،لا تعرف عنوان للصبر،ينادي الحزن بعلو صوته يقول اخترت مين،يقول اسم ناس غالية و عزيزه و يقول اشرب و وزع الباقي على الحيين،

 

قالوا الصبر،قولنا “الصبر بعد القبر”،مين هيقدر يصبر ويسلم من غير ما يتألم،راح الغالي والعزيز واللي يوجع القلب،

 

ايام بتخطف لكن ذؤقها حلو،و مميز،بتختار احلي الزهور،بتختار أمراء اعزاء علي القلوب،بتختار بشياكة و فن؛مهواش اعتراض يارب،طالبين الصبر يارب،

 

بيوت مجروحه و مصدومه مليانه إنين،كان لها نصيب من الفراق و الوجع،عايشين علي ذكريات و حبت صور علي الجدران؛مش عارفين امتي اللقاء؟

 

فجاءه نقول كان لسه هنا،لسه سامع صوته وشايفه،لسه مقابله و شامم ريحته،بس ملاك الموت اختار؛و مشي الغالي و ساب الوجع،

 

ليك حكمه و درس و عبره يارب،اللهم لا اعتراض،حاشا يارب إن نعترض علي قضائك و قدرك لكن منين نجيب الصبر؟ده الصبر بعد القبر لا محال.

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد