المكالمه فيها سم قاتل_ بقلم: رانيا كمال العربى

المكالمه فيها سم قاتل_ بقلم: رانيا كمال العربى

فيه ناس أول ماتشوفهم

تحس بيقولوا يا شر اشتر !!

ولازم تاخد لك ساتر !!

ولو غلطت وقلت لهم :

صباح الخير

المكالمه فيها سم قاتل_ بقلم: رانيا كمال العربى

هيقولوا لك :

وأنت مالك خليك في حالك

أنت في صباحك

وأنا في صباحي..!!

وهما غالبا بيكونوا متعصبين

ومنفوخين من حاجه تانية خالص

ومش بيرتاحوا

غير لما يفرقعوا البالونة

في وشك إنت !!

مرة أتصلت بواحدة من النوع ده

وبقول لها :

الو أزيك وحشاني أوي

بترد وهيا ضاربة بوزها:

الحمد لله

المكالمه فيها سم قاتل_ بقلم: رانيا كمال العربى

وتعقبها تنهيدة قوية

أنا بعشم وهطل:

وحشاني بجد أخبارك إيه؟

هيا بنفس ذات البوز: شكرا

“ناقص تقولي لا أنتي

مش وحشاني

ولو سمحتي بقي

ركزي عشان أنا مقموصة منك

ولازم تحسي وتجيبي ناس

تحس أن أنا مقموصة منك” !!

أنا بطيبة قلب وحسن نية:

هو أنتي مالك؟

تعبانة ولا سخنة ولا حاجة!!

أوعي تكون كورونا

ما اهي مش سايبة حد !!

بصي أشربي حاجات سخنة

وسوايل وخدي فيتامينات

ونامي كويس

ومترديش علي حد تاني

في التليفون !!

هي ببرود: لا مش تعبانة

بس هو أنتي

لسه فاكرة تسالي!!

ثم نفخ يعقبه تنهيدة

أنا بنفس الهبل:

أة لسه فاكرة أسأل!!

وبعدين ما أنتي بقي

لك تسع شهور

مسمعتش صوتك ده

أنتي لو حامل

كان زمانك ولدتى !!

هي بثقة: ما أهي الارقام كلها

أتمسحت من عندي

وبعدين أنا لو علي بالك

كنتي هتعرفي

كل حاجة لوحدك !!

أنا بدات أتعصب:

هعرف لوحدي ليه؟؟

مخاوية جن ياختي!!

بشتغل في وزراة الاتصالات

من وراكي !!

عالعموم أنا هسيبك

عشان واضح

أن عندك ست سبع

مشاكل في حياتك

وهتفرقعيهم في وشي

وهتخليني أنا اللي

أشيل الليلة!!..

أجيلك بعد ست سبع سنين

تكوني حليتي كل مشاكلك

وأعصابك هديت !!

ثم تنهيدة عميقة
ونفخ

قد يعجبك ايضآ