اية هو التخاطر ؟ وازاى امنع حد يتخاطر عليا ؟ وازاى انسى حد كنت بحبه ؟

شيماء علام تكتب.. اية هو التخاطر؟

بقلم.. شيماء علام

وصلتنى رساله من متابعه بتسئل فيها عن التخاطر وبتقول هل فعلا اقدر أوصل رساله لحد عن طريق التخاطر وسوءال انا دايمآ بحلم بشخص معين كنا بنحب بعض وانفصلنا من سنه وبيتحقق الحلم زىً ما حلمت بيه بالظبط وبحس ان فى تواصل روحى بينى وبينه والإحساس ده تاعبنى اوى ومش لقيه له تفسير ؟
التخاطر او الاتصال الروحى حاليا” مثار جدال كبير وكم من الرسائل اللى بتوصلنى من بنات وخصوصا” Underage بتسئل ازاى تتخاطر مع شخص .
وهو بيكون عباره عن تواصل روحى وله شروط معينه بتقدر بيه توصل رساله لشخص معين بدون ما تتصل بيه تليفونيا” حاجه كده زى بلوتوث ارواح بشريه .
بتوصله الرساله اللى حابب توصلها ممكن فى منام وممكن فى اليقظه زى الحاله دى .
وبرغم انى موءمنه ومجربه بهذا الأمر بنجاح الا انى متحفظة جدا” فى الحديث عنه لما يثار حوله من جدل حول مشروعيته ..
علميا” لو حبينا ندلل على هذا الأمر فاكبر دليل هو ما يحدث للتوءم من اتصال روحى فحتى ان كان كل واحد منهم فى بلد يشعر كل منهم بحزن وألم الاخر .
اما دينيا” قال تعالى ( سنريهم ايتنا فى أنفسهم وفى الآفاق )
و قال تعالى ( ولا يحيطون بشىء من علمه الا بما شاء )
اى ان الله استثنى مشيئته سبب فى الإحاطة ببعض علمه .
وقال رسول الله صل الله عليه وسلم ( الأرواح جنود مجنده فما تعارف منها ائتلف وما تنافر منها اختلف) اذا عند تاءلف الأرواح يكون هناك فرصه للتواصل او التخاطر .
انا ليه بدئت بهذه المقدمه ؟؟؟
لانك فى سؤالك اختصيتى التواصل الروحى او الحاسه السادسة او الكهروامغاطيسيه اللى عندك بشخص معين وليس فى كل امورك ….
فهنا هناك احتمالين
اما فى عاطفه او حب شديد من تجاهك فبالتالى هذا التواصل الروحى ربانى بواقع اندماج روحك معه . وفى الحاله دى بتكونى محتاجه تشتغلى على نفسك من انك تنخرطى فى دراستك او شغلك مع هواياتك تكونى صداقات جديده ولكن دون الدخول فى علاقه عاطفيه اطلاقا” تمحى كل اثر للشخص ده من حياتك ، تبعدى عن تتبعه على وسائل التواصل تتخلى عن صوره تتخلى عن هداياه . وعليكى بتذكر سلبياته وعيوبه دايما”.
اما
الاحتمال التانى..
انه هو يكون بيقوم بالتخاطر معك دون علمك طبعا” وبيرسل لكى رسايل وبينجح وبتوصلك وده السبب اللى انا بدئت من اجله بالمقدمة بنبذه عن التخاطر .
فى الحاله دى علشان تكسرى التواصل معاه ومتوصلكيش رسائله بتكونى محتاجه متسرحيش خالص ومتسمعيش موسيقى هاديه وتبعدى عن الأجواء الروحانية وتشغلى تفكيرك باستمرار وبلاش الانفراد بنفسك .
وأخيرا”
الدعاء والصدقه وصلة الرحم بنية دفع الأذى .
دمتم بخير

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد