أحدث أخبار الفن والرياضة والثقافة والمرأة والمجتمع والمشاهير في كل المجالات

بقلم كونسيلراعرفي إزاي تداري كل عيوب بشرتك..

 

الكونسيلر يعتبر عصايتك السحرية لو عندك هالات سوداء، مناطق غامقة أو عيوب بشرة مختلفة، لو مابتعرفيش تستخدميه أو بتستخدميه غلط هيعمل عكس بالظبط اللي المفروض يعمله وهيبرز عيوب بشرتك، وزي مابيقولوا عشان كده هنقولك على 5 خدع ماتعرفيهاش في استخدام الكونسيلر لبشرة من غير أي عيوب حسب ما ذكر بالموقع:

المشكلة: انتفاخات تحت العين وهالات سوداء.

 

الحل: كونسيلر سائل.

إزاي تستخدميه:

لو عندك هالات سوداء وانتفاخات تحت العين، استخدمي الكونسيلر الخوخي وابعدي عن الكونسيلر اللي لونه أصفر لأنه هيزود من شحوب تحت العين، واستخدمي الكونسيلر الأخضر لو بتعاني من حب الشباب أو إحمرار في البشرة، وتطبيقه بيكون على هيئة مثلث مقلوب تحت العين.

المشكلة: رؤوس سوداء وبقع داكنة.

 

الحل: كونسيلر كريمي.

إزاي تستخدميه:

اعتمدي على الكونسيلر الكريمي لو عندك مشكلة بقع داكنة في بشرتك ده لأن الكريمي تغطيته بحكم العادة بتكون أكبر، استخدمي فرشاة الكونسيلر وافرديه بيها على النقط السوداء بس وبعدين بإسفنجة رطبة ابدأي وزعيه بشكل أكتر احترافية.

المشكلة: اسمرار حول الفم.

 

الحل: كونسيلر أبيض.

إزاي تستخدميه:

عشان تغطي الاسمرار حول الفم اللي كلنا بنعاني منه من وقت للتاني لأسباب هرمونية أو أسباب تانية غير معروفة، استخدمي كبداية كونسيلر بدرجة فاتحة تعادل درجة اللون الأبيض عشان يفتح المنطقة دي وبفرشان الكونسيلر وزعيه، وبعدين كطبقة تانية استخدمي كونسيلر بدرجة لون تعادل درجة لون بشرتك.

المشكلة: شفايف صغيرة.

 

الحل: قلم كونسيلر

 

إزاي تستخدميه:

لو شفايفك صغيرة وبتحبي الشفايف المليانة، حطي كمية من الكونسيلر الأفتح بدرجتين عن لون بشرتك في منطقة نص الشفايف، ووزعيه بإيدك ناحية الأطراف، وأخيرا حطي طبقة من ملمع الشفايف الخاص بيكي.

المشكلة: كثافة رموش قليلة

الحل: كونسيلر بودر

إزاي تستخدميه:

لو نفسك في رموش بكثافة أكبر ومابتحبيش تستخدمي رموش صناعية، كل اللي عليكي إنك تعمليه، غطي رموشك بطبقة من الكونسيلر باستخدام فرشاة مناسبة قبل ماتحطي الماسكرا.

قد يعجبك ايضآ
اترك رد

لن يتم نشر عنوان بريدك الإلكتروني.