تامر مجدي يوجه رسالة للمسئولين ضد شركة بيتروچيت مصر للبترول

تامر مجدي يوجه رسالة للمسئولين ضد شركة بيتروچيت مصر للبترول  

 

 

 

 

 

 

 

 

 

 

 

 

 

 

كتبت:ياسمين عصام

 

 

وجه الفنان “تامر مجدي” رسالة إلى المسئولين بعد فصله من شركة بيتروچيت ” للبترول ” بعد تعيينه6 سنين بدون أسباب واضحة.

 

 

 

 

 

مؤكداً عدم تركه لحقه، و القيام بمسائلتهم القانونية ، وطالبا من الجمهور دعمه .

 

 

وكتب ” تامر مجدي ” عبر صفحته الشخصية بموقع التواصل الإجتماعي ” فيسبوك ” : قائلاً

 

#نداء_السيد_وزير_البترول و السادة المسؤولين 

بصوا يا جماعه في موضوع حصل معايا بقاله فتره وكنت بكتب تنويه عنه وساكت مش راضي أفصح عنه ل سببين ..السبب الأول هو أن قولت اصبر لحد اخر لحظه ومتسرعش اتكلم فيه علنا ..

 

 

السبب التاني هو اني ممثل ومعتقدش أن الموضوع ده حد يعرفه عني غير الناس القريبه مني ..لكن جيه الوقت الي هقول واكيد انتوا هتقفوا جنبي لان عندي مئات الآلاف من الاخوات والأصدقاء علي السوشيال ميديا وفي ضهري …والموضوع ظلم وحقد واي شئ ممكن تسموه

 

 

بداية الموضوع هو اني كنت شغال جنب التمثيل في شركة #بتروجيت وبقالي ٦ سنين فيها تحت التعيين وحققت نجاحاً في شغلي الحمدلله بشهادة كل زمايلي والمديرين.

 

 

وأستكمل تامر حديثه قأئلا:- بالاضافه أن تم تكريمي هناك كمان مش عشان انا ممثل لا ..عشان انا اثبت نفسي ف كام سنه بي شغلي ..كان ليا أحد الأقارب من المديرين الكبار ف الشركه وعلاقة طفيفة جداً

 

 

 وطلع على المعاش وانا كنت تحت التعيين وكان ليا تأمينات وعلاج من الشركة وكنت معروف اني ممثل هناك وكل الناس بتحبني وحتي أبنائهم ف البيوت كانوا بيكلموني ف التليفون وعلاقتي بكل الناس هناك كل الاحترام والتقدير .

 

واضاف تامر قائلاً :-كنت بفضل بقدر افصل بين اني ممثل واني موظف في شركة وكنت ناجح ف الاتنين الحمدلله ..وعمري ما شوفت شغلي في شركة كبيرة زي دي عيب أو بتقلل مني كممثل بالعكس أنا فخور بنفسي اني مش قاعد ف البيت بستني دور يجيلي

 

 

..انا بجتهد وبشتغل ليل ونهار لحد ما ربنا يختارلي الطريق الصح الخير ليا وأكمل فيه …لكن بعد امضائي عقد التعيين والتثبيت ب ١٥ يوم فجأة تم فصلي وإخلاء طرف ليا من الشركة بدون اي سبب واضح وصريح …عملت كل الاتصالات والتواصل بس المسؤولين ف الشركة لم اجد سبب واضح أو حل للموضوع ..لكن وجدت ردود عايمه

 

 

وأكمل قائلاً :-هو أن انا مثلا بيتقال فصلوك من الشركة عشان انت ممثل ومش محتاج للشركة !!! هو أن تصفية حسابات بين مسؤولين من الشركة وبين قريبك الي طلع علي المعاش ..أو أن في مسؤل مش بيحبك وسمع انك ممثل ومش بتاع شغل

 

طب مش بتاع شغل ازاي وبتكرم من مساعد رئيس الشركة علي مجهودي ف الشركة !!!!!! او انك مارست مهنه جديدة غير مهنتك التعاقديه واصلا نص الشركة شغاله كده عادي جدا وبيتعمل مذكرة تغيير المهنه وبيكملوا عادي بالواسطه داخل الشركة .

 

وتابع قائلاً :-بالذمة دي ناس مسؤولة وكبيرة تعمل كده لما بدأت اواجهم وتقولهم انا مش هسكت ومش هتكسف اني اطالب حقي جاء الرد بالسخرية ..طب ربنا معاك يا فنان !!! بالاضافه أن كان ف اتنين حصل معاهم نفس المشكله بس هما ليهم واسطه داخل الشركة ومشكلتهم اتحلت ورجعوا وتمام التمام ..لكن انا مليش واسطه داخل الشركة بس الي ميعرفهوش أن عندي جمهور وناس كتير ف ضهري وانا مش خجلان ولا مكسوف من الي بقوله ..انا بتكلم ف حقي والحمد لله مستورة مش ده باب رزقي الوحيد.

 

بس هتيجي عليا بمزاجك ورب الكعبه ما اسيب حقي ابدا لو علي رقبتي ما هي مش ماشيه بالمزاج دي شركة الدوله مش بتاعتكم وللعلم انا واحد من ضمن ناس كتير بيحصل معاها اكتر من كده بكتير انا يمكن بيتعاملوا معايا بي احترام لأنهم عارفين اني اقدر اوصل الموضوع إعلامياً وسوشيال ميديا لكن في ناس بتتهان وتتظلم في حقها وحصل قدام عيني..شركة بتروجيت هي شركة بترول كبيرة ف الوطن العربي.

 

 وبها متحكمين ف الشركة كأنهم أصحابها …الشركة دي شركة مصر وتتبع هيئة البترول ومش من حقهم يتحكموا فيها بالشكل ده …وانا اقولها تاني مش هسيب حقي ومعايا اوراق تثبت كلامي ورسائل منهم …آخرهم رئيس النقابه للشركة الي المفروض بيدور علي حق الناس هو صديق لي رئيس الشركة ومفيش اي نوع من البحث عن حق الموظفين في الشركة ..مجرد شكليات وكراسي وكان الرد روح اعمل محضر !

 

 

وأختتم تامر حديثة معلنا عن أسماء المتسببين في فصله قائلاً:  الاسماء المسؤولة عن الفصل وإخلاء الطرف:-

 

الاستاذ /ابراهيم العسال مدير مكتب رئيس الشركة 

الاستاذ/ هاني السيد مدير عام الموارد البشرية 

الاستاذ/ احمد السروجي رئيس نقابة بتروجيت 

المهندس /الحسيني رئيس لجنة تغير المهن 

 …لو سمحتم الي حابب يعمل شير علي أوسع نطاق يمكن اكون سبب اني اجيب حقي وحق ناس كتير مظلومه ف بتروجيت والساكت عن الحق شيطان اخرس

#تامر_مجدي

قد يعجبك ايضآ