تحية كاريوكا الفنانة و الإنسانة..مشوار حياة| كتب أحمد علي

تحية كاريوكا الفنانة والإنسانة و مشوار حياة ، نتذكرها في عيد ميلادها في هذا الشهر وتحديدا 22 فبراير ولدت واحدة من أهم نجمات الزمن الجميل.

تحية كاريوكا ونجيب الريحاني

بدأت  تحية كاريوكا العمل الفني،كراقصة ونجحت في تغيير الشكل النمطي الراقصة وقدمت فن راقي.اقتحمت تحية عالم التمثيل السينمائي وقدمت عشرات الاعمال الفنية الخالدة، وكانت شخصيتها قوية وادت دور وطني كبير ومواقف إنسانية لا تنسي. 

النجمة تحية كاريوكا

تحية كاريوكا الاسم الحقيقي وسبب التسمية

اسمها الحقيقى بدوية محمد كريم على السيد، أما اسمها الفنى فهو تحية كاريوكا، نسبة لرقصة الكاريوكا اللى تفوقت وبرعت فيها. واللى اختارها لها مصمم الرقصات إزاك ديكسون في الأربعينيات من الفيلم الأمريكى الطريق إلى ريو.

تحية كاريوكا وبداية طريق الفن

تحية من مواليد 22 فبراير 1915 في الإسماعيلية، اكتشفتها الراقصة سعاد محاسن، وقالت لها إنها تنفع راقصة درجة أولى.وقد كان ونص ،أول عمل فنى لتحية كاريوكا كان فى سنة ١٩٣٤ وكان دور كومبارس بتظهر في صالة (رتيبة وأنصاف).وبعد ما كانت بتاخد 6 جنيه فى الشهر، وبعد ما نجحت فى كل الأدوار اللى عملتها بقت بتاخد 100.

الفنانة تحية كاريوكا

تحية كاريوكا وسليمان نجيب

ارتبطبت تحية كاريوكا وسليمان نجيب بعلاقة خاصة خالص، سليمان بك لمح فيها موهبة وقرر أن ينميها “زى الريس عمر حرب ما كان بيقول لهانى سلامة فى الفيلم” بس طبعا تنمية عن تنمية تفرق.

تحية وفضل سليمان

سليمان نجيب جاب لها مدربين يدربوها على الرقص والنطق والإلقاء، وكان بيرشح لها الكتب اللى تقراها وجاب لها مدرسين يعلموها لغات. وبيقول فى يوم انها كانت موجودة معاه ومع مجموعة من اصحابه فى النادي،وفجأة واحد منهم الجلالة خدته ورمى قصيدة طويلة عريضة، لحد ما جه عند بيت والبنزين خلص.فقال فى عقل باله “مين يعنى من دول هيكون عارف القصيدة دى” وراح ناحت بيت من قصيدة تانية خالص، وحاطه مكان البيت اللى وقف عنده وكمل وعمل نفسه من بنها. وعنها قامت تحية كاريوكا الفنانة،وزى اللى قرصها تعبان وقالت له حضرتك البيت دى مش موجود اصلا فى القصيدة، الراجل وشه جاب الوان، بس كان لازم يرد اعتباره فقالها نتراهن، واتراهنت.

الجميلة تحية كاريوكا

سليمان نجيب طبعا كان قاعد زى اللى مستنى اسمه يتنده عشان يعدموه ماهى كانت محسوبة عليه، وتلميذته.لكن التلميذة طلعت شاطرة، وكسبت الرهان بعد ما جابت الكتاب اللى فيه القصيدة الاصلية قدام الناس وطلع كلامها صح.

تحية والملك فاروق

مرة تانية برضه وقفت فى وش الملك فاروق وأحرجته، لما شافته فى كازينو. وقالت له مكانك مش هنا يا جلالة الملك .. طبعا الناس قرت الفاتحة مقدما على روحها وقتها، بس الملك ماردش وخد بعض وساب المكان من سكات.

ثورة يوليو

اللى ناس كتير برضه متعرفوش عن تحية كاريوكا الفنانة أن كان لها دور وطنى مهم، قبل ثورة يوليو لدرجة أنها ساعدت السادات خلال هروبه بعد قتل أمين عثمان.بسبب السياسة برضه دخلت السجن بعد ما اتقبض عليها سنة 1953 مع جوزها مصطفى كمال صدقى وهو واحد من الظباط الأحرار. واتوجهت لهم تهمة “الترويج لمبادئ هدامة وتوزيع منشورات”، وقعدت كاريوكا فى السجن 100.

حرب اكتوبر 

تحية كاريوكا  الفنانة كان لها دور بارز برضه خلال حرب أكتوبر، لدرجة أنها سابت التمثيل والرقص وركزت فى جمع التبرعات.اشتغلت فترة ممرضة فى الهلال الأحمر وفى مستشفى القصر العينى، عشان تخدم الجرحى والمصابين.

تحية كاريوكا وزوجها فايز حلاة

على المستوى الشخصي هتلاقى أن تحية كاريوكا اتجوزت أكتر من مرة، اول جوازة كانت من الدنجوان رشدي أباظة.أخرهم واطولهم “اطول جوزاة يعنى مش اطول زوج” كان فايز حلاوة، وقعدت معاه 18 سنة، لكن بعد ما استولى على شقتها طردها منها. اضطرت تحية انها تعيش فى شقة صغيرة فى حى شعبي. لما الناس حاولت تتدخل عشان تحل مشكلتها رفضت وقالت ان فايز حلاوة مخلف وهو اولى بالشقة انما انا بطولى وممكن اقعد فى اى مكان.

تحية كاريوكا و أزواجها

وفاة تحية كاريوكا

تحية كاريوكا الفنانة والانسانة عانت لفترة طويلة مع المرض، وبعد ما بقت من غير أى مأوى لفترة طويلةطويلة. المنتجين اللى كانوا بيجروا وراها بعدوا عنها، ماتت تحية كاريوكا فى 1999، بعد إصابتها بجلطة رئوية.

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد