تفاصيل واقعة الشاب الذى خطف طفل من ذراع والدته لينقذ حياته

تفاصيل واقعة الشاب الذى خطف طفل من ذراع والدته لينقذ حياته

الغربية ..السيد جمال عامر
فى إحدى الشوارع وفى منتصف النهار قام شاب بخطف الطفل من والدته عندما شاهده وقد انتابته نوبات تشنج في الشارع وجري بيه ناحية المركز وتركلها الفلوس اللي في جيبه ومشي .. اسمه “طلحه”

عارفين طلحه عمل كده ليه؟
عمل كده لأنه لما شاف الست بتصوت وهيا شايله ابنها في الشارع افتكر والدته اللي كانت بتشقي وتشتغل علشانهم وعلشان أبوه مريض الكبد والسكر اللي فضلت تجري عليه بين المستشفيات 20 سنه ..

ايوه عشرين سنه بتجري بابوهم مريض الكبد والسكر بين المستشفيات حتي توفاه الله من 10 سنوات وطلحه عنده 11 سنه .. الست فكرته بوالدته لما كانت بتسافر في رمضان تجيب السمك من بورصة السمك علشان تبيعه ويأذن المغرب والعشاء ويدخل الليل ومترضاش تفطر علشان توفرلهم تمن الاكله .. الست فكرته بوالدته لما كانت بتفضل سهرانه بابوه في المستشفي لما كان بيحقن الكيماوي وتبات في الشارع علشان توفرلهم ثمن الغرفه اللي ممكن تقعد فيها ..

 

الموقف فكره بابوه اللي الله يرحمه كان كل شويه بيتحجز في المستشفيات بغيبوبة كبد أو السكر واول ميفوق ويقدر يقف عليه رجليه بيجري علي شغله علشان يوفرلهم لقمة العيش .. الموقف فكره باخوه الكبير اللي لما كان في الاعدادي كان بيشتغل واول مرتب قبضه اداه لواحد غلبان شافه بيعيط في الشارع علشان العربيه اللي شغال عليها اتخبطت .. الموقف فكره باخته اللي كانت مبتصرفش مصروفها وهما اطفال علشان تديه لاخوها لأن مرتبه مش مكفي لاخر الشهر ..

 

والموقف فكره باخوه اللي لما ربنا أكرمه سفر اخواته وأمه للحج والعمره .. وكان رد فعل حمزه اللي بيشتغل سباك ودي كانت يوميته ، كان طبيعي يعطيها للست لما شافها في ضيقه.

 

الست اللي كانت بتصوت بابنها فكرته بوالدته اللي كانت زي الست دي بتجري علي عيالها علشان تربيهم وتعلمهم أنهم يساعدوا اي حد محتاج .. والدته الحاجه “زينب” اللي جوزها سمي بنته الصغيره علي اسمها “زينب” واللي هيا في اولي ثانوي وعايزه تطلع دكتورة.

 

تفاصيل واقعة الشاب الذى خطف طفل من ذراع والدته لينقذ حياته

اترك رد

لن يتم نشر عنوان بريدك الإلكتروني.