أحدث أخبار الفن والرياضة والثقافة والمرأة والمجتمع والمشاهير في كل المجالات

تورتة فواكه مقدمه من الشيف المتميزة سماح محمد

تورتة فواكه
مقدمه من : سماح محمد
مدة التحضير : ساعه
مدة الطهي : ٤٥ دقيقه

تورتة فواكه
مكوناتها :
نص كيلو سبونج كيك
٦ بيضات
نص كوباية مايه
علبة كمبوت خوخ
كيوي
فراوله
كوب ونص كريم شانتيه
كوب كريم باتسيير
لبن ساقع
الطريقه :
نضرب بودر الاسبونج مع البيض والمايه لغاية مايبقي لونه فاتح وحجمه يتضاعف
ندهن صينيه مقاس ٢٦ سمنه ورشة دقيق عليها
ننزل بالكيك وندخلها تستوي علي حراره ١٨٠ من ٤٠ ل ٤٥ دقيقه
نطلعها نقلبها ونسيبها تبرد تماما من الصبح ل بالليل مثلا
حنقشر الكيك زي الصوره كده بسكينه حاميه
نقطع الكيك ٣ طبقات
نضرب الكريم شانتيه مع كوبايه ونص لبن لغاية مايمسك
نضرب الكريم باتسيير ب نص كوب مايه ساقعه ونص كوب لبن لغاية مايمسك ولو احتاج ربع كوبايه لبن تاني نزود
نخلط الكريم شانتيه مع الباتسيير بالمعلقه كويس اوي
حنسقي اول طبقة كيك ب معلتين تلاته من ماية الكمبوت
ونفرد الكريمه بتاعتنا ومعاها توبنج فراوله ( سبق وقولته في البوست اللي فات)
ونكرر نفس الخطوه في الطبقه التانيه
واخر طبقه نسقيها ونغطي الكيك كله بالكريمه
نقطع الفاكهه بتاعتنا زي تقطيع الشيبسي بس اطخن شويه بسيطه ونبتدي الرص زي الصوره كده الجناب الاول وبعدين دايرة النص وبعدين من بره ل جوه
حنلمع الفاكهه ب چل تلميع بيتجاب جاهز من اي حد بتاع خامات حلويات ونخففه بمعلقتين مايه الاول وندهنه علي الفاكهه بفرشة التوزيع
وبالف صحه و هنا

قد يعجبك ايضآ
اترك رد

لن يتم نشر عنوان بريدك الإلكتروني.