الرئيسية » حبي وحبك … بقلم: جمال القاضي
صورة

حبي وحبك … بقلم: جمال القاضي

by واحة الشعر والآدب

حبي وحبك    

بقلم: جمال القاضي

أنا نقطه في بحر هواك
أنا عاشق فيك دلالك
وعاشق حسن جمالك
وأحب أشوف ألوان الدنيا
ضحكاتها بلون ضحكاتك
أنا نفسي أقرب منك
ويكون القرب بقدر حنانك
وأسمع صوت تنهيدك قلبك
ومعاها أحس بدفء أنفاسك
أنا نفسي أكون وياك
وأكمل باقي العمر معاك
أنا قلبي من جواه يهواك
وخيالي وقلبي وفكري معاك
أنا لما ثوان عني تغيبي
طاير عقلي علشان يلقاك
وأنا من غير ما أشوفك جنبي
كأني ورود أغصانها
غابت عنها عطور لشذاها
وقلبي نبضه بيخفق مني
لما أشوفك في يوم تهجرني
أو إحساس جوايا يقولي
بكره حبيبي يمكن يبعد عني
وأحس الغربة بكون يخلاك
وأحس كمان النجم عليك بينادي
ويقول ياخسارة الوقت يعدي
من غير ماأكون سهرانه معاك
ياأول عشق عشقته بنبضة قلبي
وتاني العشق عشقته لما لاقيتك
صدفة وصادف فيها حبك قلبي
أهواك ومن قلبي بحبك تبقى
لآخر عمري ولآخر نبضة معايا
بحبك حب وعمري في يوم أنساك

Related Posts

Leave a Comment