حوار خاص: “تحدثت عنه الصحف العالمية و المحلية”.. محمد عاطف يرد لأسرار المشاهير على الاسئله المحيرة
حوار : إعتِدال زيدان
حوار خاص: “تحدثت عنه الصحف العالميه و المحليه”.. محمد عاطف يرد عن الاسئله المحيرة لأسرار المشاهير
حوار : إعتِدال زيدان
وظيفة المعد البدني للأندية الكروية تعد مهمة للغاية ، لأن مستوى اللاعبين بدنياً يعتمد على شاغل هذه الوظيفة و مدى قدرته على تقديم خدمة مثالية تجعل اللاعبين في وضعية بدنية متقدمة.
محمد عاطف حسن أحد مدربي الأحمال البدنية المتميز في عمله ، و قد احدث فارق في مجال الرياضة في مصر ، و تحدثت عنه الصحف العالميه و المصريه بعد تصدر فيديو نشره على السوشيال ميديا نال اعجابهم منهم صفحه ال over Time العالميه .
متى بدأت مسيرتك كمعد بدني؟
بدأت مسيرتي منذ دخولي كليه تربيه رياضيه بقالي ٦ سنين شغال في المجال ، بدأت في احدى مراكز التأهيل الرياضي “مركز البسام” و عملت بيه لمدة سنتين ، ثم انشئت عملي الخاص بيا أكاديمية ” F Z ” ، كنت حابب المجال و مغرم به ، و كنت متأكد ان هعمل فيه بصمه جديده و هطور منه و الحمد الله قدرت اعمل ده في وقت قليل .
ماهي مؤهلاتك لتصبح معدا بدنياً؟
حصلت على العديد من الشهادة المعتمدة من المعهد الأولمبي لتقنين الأحمال البدنية، شهاده من الFiFa في الطب الرياضي ، شهاده من ACE في personal Training program Design ، شهاده من international olympic exercise physiology ، شهاده من international olympic في كيفية صناعة رياضي محترف ، شهادة من مركز الخدمة العامة الكفاءه البدنيه في PT ، و أيضاً حصلت على شهادة من مركز الخدمة العامة الكفاءه البدنيه في تأهيل إصابات الملاعب.
و حصلت على شهادة تدريب من مركز “البسام ” للتأهيل البدني و تعلمت الكثير من الدكتور محمد صحبي و اشكره علي تعبه معايا .
هل تتمنى نادٍ معين تُدرب به؟
اتمني العمل داخل مؤسسه توفر سُبل النجاح للاعبين و المدربين و ده اهم من انه يكون نادي له اسم كبير ، أعجب بنادي ” زد” فإنها منظومة ناجحة جدا.
خلال مسيرتك تلك من المؤكد قد عملت مع أسماء تدريبية مختلفة؟
عملت مع بعض لاعبي الدوري المصري الممتاز مثل، حسام حسن مهاجم النادي الأهلي “المعار لسموحة حاليا” ، فهد جمعه مهاجم النادي الأهلي و الداخلية الحالي ، خالد عبدالفتاح مدافع و باك يمين النادي الأهلي ، محمد سمير مدافع نادي طلائع الجيش و منتخب مصر الأولمبي ، أحمد نادر حواش لاعب نادي إنبي و منتخب مصر الأولمبي، اسماعيل أشرف لاعب نادي سموحة ، محمد القرش لاعب نادي ايسترن كومباني ، مودي شلاطه لاعب نادي فيوتشر و منتخب مصر.
هل وظيفة المعد البدني ثانوية و هل يمكن الاستغناء عنها و ماهي اوجه الشبه عالميا و محليا؟
وظيفة المعد البدني شئ اساسي في كل فريق و في حياة أي لاعب كرة قدم عموما و لا غني الاستغناء عنها طبعا الاختلاف عن الإعداد البدني هنا و بره مصر ان بره الموضوع بقي عندهم بشكل علمي بحت و كل واحد متخصص في المجال بتاعه يعني فريق ليفربول وصل ان هما بقي عندهم ١٣ معد بدني في فريق واحد كل مدرب متخصص في الصفة البدنية بتاعته فقط عكس مصر المدير الفني عاوز يعمل كل حاجه بنفسه .
كيف ترى خطط الأندية لعمليات الإعداد البدني؟
من وجه نظري الأندية ابتدت تهتم بعنصر البدني بطريقه كبيره احنا لاحظنا الفرق بين اللعيبه في مصر و الاعيبه الأوروبية في كل العناصر زي السرعة و القوة و التحمل علشان بيعتمدوا بطريقه بروفيشنال اكتر و بشكل علمي اكتر الفروق واضحة تماما.
و خطط الأندية في مصر لعملية الإعداد البدني ابتدي بتطور جدا عكس السنوات الماضية دخلت تقنيات جديدة و أجهزة لتطور اللاعبين أمثال jps و غيرها.
من خلال عملك معدًا بدنيًا ما الذي يمكن أن يؤثر على المعدل البدني للاعبين؟
الي يأثر على المعدل البدني للاعبين هما سببين بيقللوا من مستوى اي لاعب هما السهر و سوء التغذية دول كفلين انهم يدمروا اي لاعب مهما كان بيتمرن كويس.
لاعبي الأندية المصرية الكبري مثل (الاهلي – الزمالك) أكثر اللاعبين خوضًا للمباريات و ذلك يؤثر عليهم بشكل سلبي من ناحية المعدل البدني.
من وجهة نظرك ماذا يجب فعله لتفادي ذلك رغم ضغط المباريات؟
طبعا مشكلة كبيرة ضغط المباريات لاعبى كرة القدم و علشان تفادي المشكلة دي لازم اهتم ب Recovery بتاع لاعيب كويس علشان انا لو مهتمتش بالاستشفاء بتاع الاعيبه بتاعتي هيكون تعرضهم للاصابات العضلية أثناء الموسم كتير و وسائل الاستشفاء بتاعتي بقت كتيره جدا اقدر استخدم (الفوم رول-التدليك-الثلج-الجاكوزي-السونا….) نقدر نعمل كل ده بس بشكل مقنن و علمي اكتر.
هل في نصائح معينه تحب توجهها للاعيبه للحفاظ على المعدل البدني؟!
النصيحة التي أقدمها للعيبه كره القدم ان لازم يكون عندك ثقافه اللاعب الأوروبي و تصدق نفسك انك ممكن تبقى زيه ، الالتزام و الإصرار على النجاح هيحقق انك تبقي لاعب محترف لما سألو محمد صلاح في احدي البرامج ايه الفرق بين اللاعب المصري و الأوروبي ؟ ، رد وقال و أنا في سن ١٤ و ١٥ مكنتش أحرف لاعب في جيلي و كان في ناس كتير افضل مني بس هما مكملوش علشان انا كنت مصدق نفسي و حلمي و اشتغلت علي نفسي ، و كلنا دلوقتي شايفين محمد صلاح فين خلاصة الكلام حابب اقولك صدق نفسك و اتمرن كويس و اهتم بجانب التغذية و طور نفسك باستمرار و اشتغل على نفسك صدقني مش هتفرق علي اللعيبه الأوربية اللي بنشوفها.
هل يوجد إقبال من اللاعبين على التدريبات البدنية؟
كثير جدا من اللاعبين ابتدي يكون عنده وعي للثقافة انه يشتغل على نفسه و يطور من نفسه انا شايف ان الاقبال بقى كثير جدا .
في نهاية حوارنا ماذا تقول في الختام؟
حابب اشكر والدي و والدتي على وقفتهم دايما جمبي و انهم بيشجعوني و حابب اشكر بلدي مركز شباب شبلنجه علي وقفتهم معايا