ذكريات سعاد نصر فى سرايا المجانين

تكتبها / غادة العليمى
سعاد نصر  فنانة خفيفة الظل للغاية احاديثها كأدائها وموافقها المضحكة لا تنتهى
اثناء استضافتها فى برنامج رمضانى مع المذيع الشهير رمسيس سألها عن اغرب واطرف موقف تعرضت له
ففاجئته وفاجئت الجميع بهذه القصة اللطيفة
التى تنفرد بنشرها اسرار المشاهير ..
-ايه أصعب موقف عاشته سعاد نصر في تحضير الشخصيات قبل تمثيلها ؟؟ه

حصل و انا بعمل  دي مسلسل بقدم فيه شخصية واحدة مجـ. ـنونة ،

فالمخرج قالي ما تروحي سرايا المجـ. ـانين تقعدي مع اتنين او تلاتة مجـ. ـانين بس يكونوا من الحالات الخفيفة يعني اللي هما اقدر اتكلم معاهم عشان اخد منهم للشخصية اللي بعملها ،

قلتله طيب .. ورحنا فعلا سرايا المجـ. ـانين وكنت متوترة فقعدت انا في الجنينة والمخرج ومساعده جوا بيتكلموا مع المشرفين عشان يجيبوا حالة تكون لطيفة اعرف اتكلم معاها .. وانا قاعدة في الجنينة لقيت واحد لطيف جدا ولابس شيك جدا عرفني فقالي “أهلا ، انا بشوفك في التليفزيون” ، انا طبعا اتصورت انه مجـ. ـنون في الأول فقلتله وانا ببعد عنه خطوة بخطوة “ايوا يا فندم انا بعمل السنة دي شخصية مجـ. ـنونة فجاية اقعد مع كذا حالة هنا” .. قالي “اه دي حاجة صعبة انا شخصيا ليا واحد قريبي جوا لما باجي ازوره مبقدرش اقعد معاه جوا ، بقعد في الجنينة هنا وهما يجيبهولي اقعد معاه” .. خلاص بقى اتطمنت انه مش مجـ. ـنون وقعدنا بقى نرغي ونتكلم وقالي انه مدرس فلسفة في كلية الآداب فقعدنا نتناقش في الفلسفة وكلام الفلاسفة والدنيا كانت حر وانا عطشت فقلتله “هو مفيش حاجة ساقعة هنا ؟” ، قالي “اه فيه طبعا ، عايزة ايه ؟؟” .. قلتله “أي عصير برتقان او لمون بس ياريت يبقى ساقع” ، قالي “هاتي 5 ساغ” .. قلتله “المشروب بخمسة ساغ بس ؟! طب والله كويس جدا” ، راح واخد مني الـ5 ساغ وراح فاحت في الأرض وحاططها وردم عليها بالتراب ! .. انا طبعا النبض وقف شوية فإستعبطت وقلتله “ايه الـ 5 ساغ وقعت منك ؟؟” ، قالي : لأ موقعتش ، بس انتي لما تحطي الخمسة ساغ في الأرض وتردميها بالتراب تطلع شجرة فيها كوبايات برتقان وكوبايات لمون ساقعين بالتلج بتاعهم ، اصبري بس خمس دقايق والشجرة هتطرح وتشربي اللي انتي عايزاه !

رحمة الله عليها رحلت فى ريعان عمرها وفى اوج شهرتها لكنها مازالت تضحكنا اعمالها ولقاءاتها وكأنها مازالت بيننا