رانيا وسكينه _بقلم: رانيا كمال العربى

رانيا وسكينه _بقلم: رانيا كمال العربى

لما اتفرج علي مسلسل مع جوزى وكل واحد فينا يقول توقعاته المرئيه للاحداث !! بنكون شبه المفتش كرومبو بالضبط ..عمالين تتفرج ونحلل ولا اجدع زعيم عصابه !!

أنا: ايه ده صحبتها دي غلبانه اوي وبتحبها اوى
جوزي : شكلها هتطلع اختها
انا: لا بص انا توقعت بحسى الادبى انها هتطلع مش كويسه او خاينه او هتموت وصحبتها تنهار لكن تطلع اختها دى اوفر اوى
وبعد حلقتين

أنا: ايه ده دى طلعت اختها فعلا!
جوزى: مش قلتلك
انا: بس جوز بنتها شكله هو اللى قتلها
جوزى: لا ده جوزها اللى قتلها

أنا: لا لا بعيده اوى شكله بيحبها استحاله يقتلها
جوزى بيبرق عينه وماسك السكينه وبيقطع التفاحه: بقولك جوزها اللى قتلها
انا خايفه: اللى تشوفه ياخويا

جوزى بيزغر بعينه: قومى بقى اقطعى لنا البطيخه اللى جوه
انا برتعش : اقطعها لك مكعبات ولا شرايح؟
جوزى بصوت واطى : انتى تجيبى السكينه الكبيره الحاميه وتنزلى فى نص البطيخه وتقطيعها شرايح بالطول

أنا بوطى صوتى زيه : من عنيا يا معلم حسب الله
جوزى: بسرعه ياريا قصدى يارانيا
انا: ده احنا هنريحووووك

أدى آخرة الفرجه على مسلسلات بوليسيه !! كان ماله بكيزة وزغلول !!

قد يعجبك ايضآ