ريهام سعيد تعتزل الإعلام نهائيًا وتوجه رسالة لأشرف ذكي

ريهام سعيد تعتزل الإعلام نهائيًا وتوجه رسالة لأشرف ذكي

 

ميرنا جمال

 

 

 

أعلنت الإعلامية ريهام سعيد، اعتزالها الإعلام نهائيًا، ووضحت أنها عملت كمذيعة، لرغبتها في التمثيل، مطالبةً نقيب الفنانين أشرف زكي بمساندتها.

 

 

ونشرت ريهام، صورة جديدة لها، عبر حسابها الشخصي بموقع تبادل الصور والفيديوهات الشهير إنستجرام وعلقت عليها قائلة:” فكرت كتير قبل ما اكتب البوست دة، أنا اعتزلت التمثيل سنة ٢٠١٥ لان حسيت ان صاحب بالين كداب وان التمثيل مأثر على مسيرة الخير اللي ابتديتها من سنين طويلة عشان الوقت والمجهود اللي بعمله، لكن عشقي للتمثيل اللي هو دراستي ومهنتي الأولى قبل الإعلام “.

وأضافت: ” رجعت أمثل تاني وأنا في نظر المخرجيين والمنتجين مذيعة عايزة تمثل، كنت عارفة ان انا عشان أكون ممثلة لازم اسيب الإعلام، زي مع حفظ الألقاب داليا البحيري و بسمة ودينا فؤاد و دينا الشربيني وغيرهم، بس مكنتش قادرة اسيب رسالتي اللي كانت مهمة أوي وقتها، أنا حصل لي مشاكل كتيرة اوي من المهنة دي بتأثير باطل من السوشيال ميديا، من منافسيين وأعداء، بسبب المشاهدة العالية جدا والنجاح”

 

وتابعت:” أنا تعبت وحسة أني قدمت كل اللي ممكن يتقدم، الدولة عاملة اللي عليها ومش محتاجين دور المجتمع المدني في مساعدة الناس ولكن أنا ليا الشرف اني اشتغلت في المهنة العظيمة دي اللي ليها رسالة سامية وعظيمة، وليا الشرف اني كنت اعلامية في اصعب وقت مر على الاعلاميين ايام الاخوان، والحمدلله كام لينا موقف واضح ومتغيرش ولا دقيقة”.

 

 

 

واستكملت: ” انا الحمدلله حققت في التمثيل وكل اللي اشتغلته علم مع الناس واشتغلت أعمال كلها قيمة بس بعد ما جالي السكر ، وشوية مشاكل تانية قررت اعمل اللي بحبه، أنا بكل اسف بعلن اعتزالي الاعلام تماما وهركز كممثلة، وهطلب من دكتور أشرف ذكي انه يساعدني اني اغير الفكرة الموجودة في اذهان المخرجيين والمنتجين اني مذيعة، ورساله للاستاذة كاملة ابو ذكري ومش مكسوفة نفسي اوي امثل معاكي حتي لو مشهد دة من احلامي، خطوة صعبة وفيها ريسك كبير بس على الاقل اجري ورا حلمي حتي وأنا في السن دة”.

 

واختتمت: ” جيه الوقت اني استمتع باللي بعمله وبحبه خصوصا لما يكون في عصر ولا في وسطة ولا محسوبية، اللي هيجتهد هيوصل، متسبوش حلمكم مهما فات الوقت، بشكر جمهوري من الامهات والشباب والاطفال اللي ديما بيدعموني وحبه برامجي واتعلموا منها، وبشكر ربنا على عشرين سنة اداني فرصة اني اقضي حوائج الناس، واقدم كل ما هو مفيد، فخورة بكل حلقه وبكل حرف قدمته ٢٠ سنة تعب وسهر وتصميم على تقديم الحلقة أنا اسفة ليكوا بس التمثيل رسالة برضو، وهو حلمي الاساسي اللي اتأخرت اوي عشان احققه، يارب وفقني وساعدني”.

قد يعجبك ايضآ
اترك رد

لن يتم نشر عنوان بريدك الإلكتروني.