ستة في واحد .. بقلم رانيا كمال العربي

 

نزلت مشوار وسبت الولاد مع ماما
_الولاد عاملين ايه ياماما؟؟
_الحمد لله ياحبيبتي زي الفل
_يعني كويسين وبيذاكروا؟؟
_اه علمت زينه تعمل قهوة بوش وعلمت فرح تنشر الغسيل
وبقوا شاطرين خالص متقلقيش
يا حبيبتي ياماما..فعلا هو ده العلم اللي هينتفعوا بيه (بصوت اللمبي) بلا تعليم بلا نيلة( بصوت ماري منيب)
الست ملهاش الا بيت جوزها (لا دي بصوتي عادي)
للاسف اغلب الناس فاكره ان الست ماتنفعش غير للطبيخ والغسيل بس
ميعرفوش انها تقدر تعمل خمستاشر حاجة في وقت واحد
يعني بتطبخ وتغسل وتروق وتذاكر لولادها وتوديهم النادي وتروح شغلها وتقابل صحابها وتحمل وتولد وتربي ولادها وتطلع اجيال تشرف…الست يعني سته في واحد
وسموها ست عشان بتحيط بيك من الست جهات..وكل ماالراجل يدور يلاقيها في وشه !!

دماغ الراجل بقي تخليه ميقدرش يعمل غير حاجة واحده بس..اه والله مش زي الست المسكينه اللي بتعمل كل حاجه لوحدها!! مش كده ولاايه ياطنط؟؟ اصلي بكلم طنط جارتنا اللي فوق وانا شايله ابني وبكتب مقاله و باكل شكولاته وبتفرج علي المسلسل وبتخانق مع بياع الخضار..!! مش بقولكم سته في واحد !!

قد يعجبك ايضآ