أحدث أخبار الفن والرياضة والثقافة والمرأة والمجتمع والمشاهير في كل المجالات

سليمان عيد يتذكر أزمة ودور الزعيم عادل أمام في انقاذه منها

كتب احمد علي

في حوار تلفزيوني حكي الفنان الكوميدي سليمان عيد تذكر أزمة مر بها في حياته ووقف الفنان عادل امام معه وانقاذه من محنته.

قال سليمان” جت فتره كان عليا أقساط و ديون كتيرة اووي , ولسوء الحظ كمان, كنت شغال في مسرحية جوز و لوز مع الاستاذ احمد بدير ووقفت،نفسيتي بقت في الارض و خصوصا ان اصحاب الاقساط طول النهار و الليل بيخبطو علي البيت عندي و بقيت بتهرب منهم. 

رفعت سماعة التليفون وكلمت صديقي فتوح احمد و انا كنت عارف قبلها انه شغال وقتها في تلت اعمال و قلت له :” الوضع كذا و كذا و حكيتلو علي الي انا فيه , وياريت لو تشوفلي اي حاجة اشتغلها حتي لو كومبارس مجاميع.

بالفعل اداني عنوان بلد فلاحين بيصورو فيها , وركبت و رحت في اربع ساعات , ويارتني مارحت., رحت لقيت ممثلين لسه طلبة في المعهد هم الابطال., المشكلة اني انا عارفهم و هما عارفني عشان كنت اكبر منهم ولما سألوني بتعمل ايه هنا ؟ نفسي صعبت عليا و اتكسفت اقولهم اني جاي كومبارس.

https://www.elmshaher.com/مغامرات-سامية-جمال-أثنا

اخدت بعضي و مشيت رغم احتياجي للفلوس , عرض عليا صديقي محمود البزاوي وكان معاهم في المسلسل توصيلة للقاهره وركبت العربيه معاه،واحنا في العربية اتكلمنا عن ظروفي و كده , هو قالي انا رايح دلوقتي احضر الجنرل بتاع مسرحيه الزعيم و بعدها ربنا يسهل, الجنرل ده بيبقي قبل الافتتاح علي طول.

رحت انا و محمود و تابعنا عرض الجنرل و قولت له ” ما ينفعش اشتغل معاكم في المسرحية دي ؟” قالي “انت مجنون يا سليمان خلاص ده الجنرل و الافتتاح كمان كام يوم , اكيد ما ينفعش. قولت له طب اسلم بس حتي علي استاذ عادل امام. 

اول ما شوفت الفنان عادل إمام جريت عليه و قولتلو علي ظروفي , وقولت له انا لو اشتغلت معاك كاني طلعت اعاره ياريت تطلعني الاعارة دي , قعد يضحك و سالني “انت كنت بتاخد كام؟ قولت له 400 في الشهر لمده 3 شهور الصيف, لقيتو نده واحد من الانتاج و قاله “خده مضيه خمس سنين علي 1500 في الشهر،انا سمعت الرقم و اقعدت اعيط حرفيا ,عمري ما اقدر انسي الموقف ده للزعيم

قد يعجبك ايضآ
اترك رد

لن يتم نشر عنوان بريدك الإلكتروني.