شجره الجميز 

شجره الجميز 

 

بقلم… وليد يسري 

 

 

الحقيقة أن النجع بتاعنا مكنش الوحيد….

اللي حصلت فيه جريمة قتل غامضة،…..

تقوم الناس الصبح بدري…..

يشوفوا حالهم ويلاقوا القتيلة على الطريق،….

فيعرفوا أن الليل عَشية مكنش صافي، وحصلت حاجات لا يعملها إلا الله كان على أثرها القتيل أو القتيلة دي، والغريب أن أغلب المقتولين ستات، يمكن لضعفهم، يمكن لجسمهم، يمكن رقصات،…..

 

جرايم قتل...

 

محدش يعرف ايه السبب اللي يخليهم يموتوا بطريقة صعبة زي كده، وعلى الرغم أن كل النجوع والكفور فيها جرايم قتل كتير زينا بس الغريب عندنا شجرة الجميز الملعونة، الكل بيخاف منها….. 

وبيعملها ألف حساب من صغرنا وأهلنا بتمنعنا من اللعب تحتها والأهم من اللعب هو أننا ناكل منها، ولما سألنا أجدادنا وأهلنا وجيرانا كان فيه أساطير كتييير اوي للشجرة دي سمعنا كلام كتير منهم

 

 الجميزة دي اتقتل تحتها واحدة ملبوسة والجن اللي كان عليها بيقتل أي حد يقعد تحتها

 

اوعى حد يأكل من الجميز بتاعها بعد ما تأكله هتحسه زي النار وهياكل في بطنك وكل

اللي ماتت تحتها غزية وكانت بتتلوى قدام الخلق وروحها مش قاعدة وزمانها بتتلوى عايزة تنتقم، محدش يقرب منها

 

كلام كتير وحكايات غريبة

 

ياما سمعنا صراخ جاي من ناحيتها ولا حد قدر يهوب عندها، بس في يوم الجوع والفقر والحوجة أجبرت عم سالم ومراته خالتي عيوشه أنهم يجيبوا جميز من الشجرة دي، لأن بيتهم مكنش فيه رغيف عيش بعد ما تعب عم سالم شهور في البيت كل الناس حذرته بس غريزة الجوع كانت أقوى من غريزة الخوف،….

راح وملى المشنة بتاعته وشالها على كتفه وراح بيته، كلنا مشينا وراه لحد ما وصل البيت حاوطنا البيت بتاعه وهو دخل ياكل هو ومراته،

كلنا مستنين نشوف الجميز الملعون بيعمل ايه،

مفيش خمس دقايق إلا والبيت بتاعهم مولع وسمعنا صراخ عم سالم وخالتي عيوشه كل الناس خافت تطفي ليصيبهم الآذي،……

راح عم سالم وخالتي عيوشه للي خالقهم، وحكايتهم زودت خوف الناس من الحميزة دي وبقوا لما تيجي السيرة بتاعتها يقولوا شوفوا سالم ومراته حصلهم ايه، الغريبة بقى أن عم سالم كان أكتر واحد بينصحنا منقربش منها،….

أهل البلد…

 

بس الجوع صعب وإحساس إنك قدام أهل بيتك مش قادر تسد جوعهم أصعب، فيها إيه لو أهل البلد كلهم وقفوا جنبوا طول فترة مرضه مش أول شهر بس، أنا صعبان عليا عم سالم وخالتي عيوشه، وحلفت إني لازم أقطع شجرة الجميز دي إن شالله أموت فيها، قطعت الشجرة دي من مكانها وواحد تاجر أخشاب جه خدها بس الغريب أن الراجل عمل حادثة بيها وهو ماشي، وهنا كل البلد استغربت اشمعن أنا الوحيد اللي محصليش حاجة لما قطعتها، طلعت ابن الست اللي اتقتلت تحت شجرة الجميز، أبويا درويش اللي مربيني حكالي

 

 جدور الشجرة…

قطعتها ومحصليش حاجة، قالي كان فيه واحده بتطلع في الروح وحبله، ولدتك وماتت وأنا خدتك ربيتك، زعلت جدا أني قطعت الجميزة اللي كانت تحتها أمي، ونسيَّت الناس الجميز… 

كام شهر لحد ما كنا بنجري من الطريق….

بتاعها أنا وصحابي ولقيت شجرة جميز صغيرة طلعت من جدور الشجرة اللي قطعتها، وهنا قولت لكل الناس أوعوا حد يجوع تاني ويأكل منها، ساعدوا بعض وابعدوا عن الجميز.

أنا معرفش مين أمي ولا ايه حكايتها بس كل اللي اعرفه اني بحب الجميز 

قد يعجبك ايضآ