شعارات فارغه ….. للشاعر / محمد زيدان

شعر عاميه حر : محمد زيدان

1

شعارات فارغه

بقلم / محمد زيدان

شعارات فارغه

إدانات وشجب .. إنذارات شرقاً وغربًا

نحن مع الاقصى ضميرًا وقلبًا

سنحطم امال الصهاينه فوق قبة الصخره

وان لم يتم وضع حد لاجرامهم

فاى تعاملات معهم ستلغى

والادهى

ما يحدث هو انتهاك صارخ وسافر

وسنقوم فى اى وقت عليه بالرد

لن نصمت ومن ها الحين وصاعد

ستكون مقاومتهم واجب وفرض

نحن ندييييييييين وبشده

تقاعص المجتمع الدولى  …

 وعليه

لمطالب ال فلسطين ان يصغى

فارغه

شعاراتكم …………… فارغه

مشافش الاقصى منكم غير الشعارات الفارغه

وعمرها ما اتطبقت يوم على ارض الواقع

وطول مالقضيه فى عهدتكم

وزمامها فى ايديكم

عمرالصهاينه ماهتشوف يووووووم …. رادع

وهتفضل الكره تتعاد

وهتطلع نفس التصريحات

وهتخرج وسائل الاعلام

ببيان

موحد … وموجه … ومايع

اما اللى بيدافع

فا كده كده هما مش شايفينكم

ولا ليكم اى وجود … فى حساباتهم

وان كانوا زمان

 ليهم امل  فى موقف منكم

ها قد ربنا ازاااح الغمه

والرؤيه اتضحت قدامهم

وعرفم

 انهم بقوا لوحدهم فى المواجهه

وده من حسن حظهم وسوئوه

سوئوه …. عشان معركتهم غير متكافئه

وحسنه

عشان  عن سائر العرب

ربنا  للشرف ده اختارهم

اما انتم

فا سؤالى موجه اليكم

تفتكروا

 ان اللى خلق الاقصى

وجعل اطهر من اتى ع الارض

محط اسرائه

وسخر اعدل خلقه

 واتى من بعده

 بابن الايوبى لردع اعدائه

وجعل معارك الزمان

 تدور فى فلكه وتطوف فى مداره

وربط نهايه الزمان

بنصره ورد اعتباره

تفتكروا

قضيه بالحجم ده … وبالقوة دى

بالشرف ده … وبالمكانه دى

هيسمح ليكم ولشعراتكم دى تحلها

ولا هيوفق

 حد كان بايديه يقدم حاجه …

واستخسر يمدها

ولا هينفخ فى صورة امه

ليلا نهارا مبتعملش حاجه غير انها

بتحارب وبتضعف وتخون وتفرق

وتقطع فى خيوط بعضها

جاوبوا ع السؤال واحتفظوا بالاجابه

لانفسكم

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد