طلب جواز قطة_بقلم: رانيا كمال العربى

طلب جواز قطة_بقلم: رانيا كمال العربى

عالفيس بوك طلب جواز ل”قطة

ومكتوب فيه مواصفات الانثى اللى عايزة تتأهل وتتجوز

مواصفات القطة:

– انثى تريد الزواج (الست محتاجة قط يصرف عليها)
-عيونها زرقاء( طبيعى مش لينسيز)
-مهذبه (يعنى ما مشيتش مع قطط قبل كده)!
– واخدة التطعيم
-دمها خفيف
( ودى دمها خفيف ازاى بتمشى تقول نكت يعنى!!)

طلب جواز قطة_بقلم: رانيا كمال العربى

ما علينا مواصفات القط العريس :

١-قط محترم ( يعنى بيسمع الكلام وبيغسل سنانه ومش بيعاكس قطط الجيران)
٢- ابيضانى عيون ملونة (ناقص تقول وشبه حسين فهمى)
٣-الشعر كيرلي ( ماشى عالموضة)
٤-ميكنش نكدى !! ومش بيخربش ولا بيضرب !! و دى اهم حاجة
حتى القطط بقت بتتشرط !! وتيجى انتى تقولى ضل راجل ولا ضل حيطة !!

واى راجل والسلام !! اتعلمى يا موكوسه منك ليها من القطط !! بتفكر وتقرر وتحط مواصفات صعبة كمان..

( ايوة ماهى القطة بنت خالتها لسه مخطوبة الاسبوع اللى فات لقط زى القمر وفرفوش وجايب لها بوكس تنام فيه بالشئ الفلانى )

وهى مش اقل من بنت خالتها !! لازم تحط رجل على رجل وتبرق وتتشرط .. بس ابقوا قابلونى لو لقت قط بالمواصفات دى
وبالذات الشرط رقم ٤ !! قال ميكونش نكدى قال😃

قد يعجبك ايضآ