علشان انتى أم .. لابد وأن تعلمى أبناءك هذه الأشياء ….؟

علشان انتى أم .. لابد وأن تعلمى أبناءك هذه الأشياء ….؟

بقلم ستايلست داليا حسام

لما تخلفى ولد متسمعيش كلام الناس حوليكى لما يقولولك انشفى وأقسى عليه فى المعامله علشان يطلع راجل

علميه يكون حنين
علميه يحبك ويحترمك
علميه الكلام الحلو
علميه يمشى فرحان وفخور بيكى
مش يمشى مداريكى ورا ضهره
علميه يبقى فخور بنجاحك فى شغلك ويشجعك عليه
علشان لما يكبر ويقرر يتجوز ربنا يبعتلك واحده تدعيلك العمر كله انك طلعتى راجل حنين على بيته
بيعرف يحب ويحترم ويقدر الست اللى معاه
مش يطلع معقد نفسيا
بلاش تخلى ولادك شخصيتهم ضعيفه ومعندهمش ثقه فى نفسهم علشان مبتديهمش فرصه يعبرو عن اللى جواهم

بلاش يكبرو ويكرهو كلمة “إن شاء الله ” لأن كل وعد توعديه تقولى أن شاء الله ودايما ميتنفذش

بلاش تخليهم يدورو على الحنان بره البيت لأنهم ملقهوش فى حضنك

بلاش تفضلى تقارنى بين نفسك زمان وبينهم دلوقتى علشان متخليهمش
دايما حاسين انك مش راضيه عنهم
خليهم يثقو فى نفسهم ويحسو أنهم كويسين

سيدنا على قال : لا تربوا أولادكم على أخلاق زمنكم فأنهم خلقوا لزمان غير زمانكم

ربى اولاد حنينه واثقه فى نفسها علشان يخرجو للمجتمع واللى يتعامل معاهم يدعيلك

#علشان_انتى_ام

قد يعجبك ايضآ