غرام نعيم تكتب …. ناس فى حياتنا

غرام نعيم

ناس فى حياتنا

بقلم/ غرام نعيم

ناس في حياتنا
فيه ناس بتتعب ولا تشتكيش
تسكت كثير علشان تعيش
ويوم ما تطلب بس حقوقها
تلقى نصيبها دايما مفيش
وناس بتاخد ولا تديش
دايما حياتها إلى الأمام
من غير ماتتعب كله تمام
أصل ساندها ولاد اللئام
وناس كثير عايشة في ظلام
تايهة تمللي وسط الزحام
وناس تشوفها تقول ياسلام
أدب وذوق تقول من الكرام
وهي الحقيقة من اللئام
وناس وجودها يعلي المقام
وغيرها يمر مرور الكرام
وناس وجودها ينور طريق
وناس تخون أقرب صديق
وناس عشانك تبيع الحياه
وغيرها بدونك بتحلى الحياه
وناس بتحجز مكانها في قلوبنا
مهما تغيب تمللي قصادنا
واللي يقرب واللي بيبعد
ويبقى دايما أغلى الأحبة
اللي يشوف فرحتنا يسعد
غرام

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد