أحدث أخبار الفن والرياضة والثقافة والمرأة والمجتمع والمشاهير في كل المجالات

فنانة شهيرة تعترف بخيانة زوجها اللاعب الكبير لها .. ماذا قالت ومن تكون ؟!!

تحدثت عن رقصاتها في رمضان والبوسة في الفيلم الشهير وعلاقتها بوالدتها الغير مسلمة

فنانة شهيرة تعترف بخيانة زوجها اللاعب الكبير لها .. ماذا قالت ومن تكون ؟!!

بقلم : شروق راضي

هناك أعمال تثير دائماً الجدل يتم عرضها خلال الشهر الكريم وأصبح عرض المسلسلات بل عرض ما يسيء لهذا الشهر الكريم ولا يتناسب مع أخلاقيات وطقوس وعادات هذا الشهر المعظم وهذا غير مقبول مما هناك بعض المشاهد العارية التي لا تليق بالأسرة المصرية لما يحتويه من العري والخلاعة والرقص وبعض الألفاظ التي لا تليق بمجتمعنا وغيرهم من الأحداث التي شوهت الدراما المصرية.

ومن الأعمال التي أثارت الجدل مسلسل الزوجه الرابعه التي تم عرضه في رمضان عام 2017 ولقي المسلسل هجوماً شديداً واتهم بتكرار موضوعه وتبنيه فكرة تعدد الزوجات وعدم احترام المرأة، وبعد مشاهد الرقص التي عرضت خلال المسلسل والذي سببت غضب عند المشاهد.

وفي أحدث تصريحات لقاء الخميسي تكلمت عن انتقادات مشهد الرقص في مسلسل الزوجة الرابعة وسوف نعرض لكم كل التفاصيل في هذا المقال.

لقاء الخميسي

تحدثت الفنانة لقاء الخميسي، عن نجاح شخصيتها في مسلسل الزوجة الرابعة بطولة الفنان مصطفى شعبان، وتعاونها مع الفنانة علا غانم، بجانب التعليق على انتقادات مشهد الرقص في العمل.

وقالت لقاء خلال استضافتها ببرنامج “أسرار” مع الإعلامية أميرة بدر أن مسلسل الزوجة الرابعة كنت خطيرة وكنت مستغربة نفسي، ومصطفى شعبان كان حابب جداً الشخصية وأستاذ مجدي الهواري رسم الشخصية، وكل واحدة فينا كنا أنواع فاكهة، ومكنش في غيرة بين البطلات، وعلا غانم أعرفها من أيام المعهد هي شخصيتها قوية وعايزة تبقى المسيطرة، ولكن أنا كنت بسيب ليها مساحتها وإحنا كنا كابل خطير وهي مشعة وعندها كاريزما وهي فعلًا شاطرة، وفرقت معايا وعملنا شغل جامد.

لقاء الخميسي تواجه الانتقادات

وتحدثت لقاء عن انتقادات مشهد الرقص في مسلسل الزوجة الرابعة وقالت:” المخرج كان عايز كده، وده شغل، هو الرقص برا رمضان حلال، وجوا رمضان حرام، وطبعاً اتشمت على المشهد بتاع الرقص في الزوجة الرابعة، ولما أنا بتشتم زوجي بيزعل، وده شغلي واللوكيشن مليان ناس وأنا أصلاً مبعرفش أرقص شرقي.

وأكدت لقاء الخميسي، أن نجلها لا يشاهد أعملها، قائلة: ابني مبيتفرجش عليا خالص ومحدش بيتفرج عليا، مبيتفرجوش على عربي أصلاً مع نفسهم في عالم موازي.

لقاء الخميسي عن جدل ديانتها

وٲثناء استضافتها تحدثت عن الجدل الذي أثير خلال الفترة الماضية حول ديانتها، وذلك بعد حديثها عن كونها مسلمة بالوراثة.

وقالت لقاء الخميسي :”أنا مسلمة أبويا مسلم وأنا مسلمة، ومعنى كلمة مسلمة أني أسلمت قلبي لـ الله، كل واحد جواه ربنا، شايف ربنا إزاى ومعتنق ديانة إيه دي تخص كل واحد متخصش حد تاني، وأنا شايفة أن كل الأديان بتعرف ربنا، ووالدتي مسيحية، وأمي عمرها ما دخلتنا في القصة دي.

وتابعت :” أمي مسيحية وكانت بتصوم معانا رمضان وتصحينا نصلي الفجر، هي بتصلي لـ ربنا بطريقتها وروحت معاها مرات كتير جداً الكنسية وصليت، وهي نفس الصلاة لكن الطقس مختلف، والمسلم زي المسيحي زي اليهودي، والناس مش شايفة كده وكل واحد عنده أفكاره، أنا قرأت في التاريخ والدين كتير جداً.

وأضافت: مفيش فروق بين الأديان هو نفس الكلام، إحنا محتاجين نعرف ربنا، إحنا جزء من ربنا، مش بيقولك ونفخنا فيه من روحنا؟ الطبيعي نطلع مسلمين يعني أسلمنا قلبنا بـ الإله، يبقى كلنا زي بعض.

خيانة زوجية

وقالت لقاء الخميسي أن شرارة الحب بينها وبين زوجها محمد عبد المنصف حارس مرمى نادي الزمالك السابق ومنتخب مصر، لم تنطفئ، موضحة أنها شعرت بخيانته في فترة من فترات حياتهم ولكنها قررت الحفاظ على بيتها وعلاقتهم.

وٲكملت حديثها قائلة:” طبعًا بحب جوزي لغاية دلوقتي لأن هو راجل يتحب، مفيش حد معندوش عيوب ومكنش بيقعد معايا كتير ولكن هو راجل حنين وبيحب ولاده وأمي وإخواتي وكل الناس، وقبل كده أخويا حصل له أزمة ووقف معاه، وأنا عديت بمرحلة سخيفة في حياتي في نص الثلاثينيات واستحملني، وكنت أوقات بروح الشغل وأرجع أقول أنا مش عايزة اشتغل تاني وكان بيستحملني.

نصيحة لقاء الخميسي للنساء

ووجهت لقاء الخميسي، نصيحة للنساء بعدم التفتيش وراء أزواجهن، قائلة: هو في بداياته في الـ 37 سنة دي كنت ببلع حاجات كتير، زي أنه سافر شهر ومعرفش عنه حاجة، وأكلمه يقولي سيبيني حاجة، وجوزي أنضف من أنه يتقفش، وأنا حسيت أن في حاجة حصلت وأنا مش هفتش وراه وأضايق نفسي ليه؟ ما كل حاجة هتعدي، ولكن أنا حسيت ومش عايزة أشوف إثبات، والست الناصحة متخربش على نفسها، وعملت مش واخدة بالي وعدت.

علاقه لقاء الخميسي بجمهور الأهلي

وعن علاقتها بجمهور النادي الأهلي، فعلقت لقاء الخميسي: جمهور الأهلي معرفش عنه حاجة، أنا بشجع الأهلي علشان بحبه، وجوزي بيشجع الزمالك فأنا بشجع الزمالك، ولو الأهلي بيلعب مع أي حد أو برا هشجعه بيمثل مصر.

وعن أزمتها مع جمهور نادي الزمالك، فقالت لقاء الخميسي: جت فترة جمهور الزمالك كان بيشتم وأنا كنت برد، مقدرش إني مردش أسكت لو حد جه ناحية جوزي أو أبويا، وأنا اللي بحسه بقوله على طول ومبستناش، وجوزي كان هيتجنن مني هو مكنش عايز يرد.

كما كشفت لقاء الخميسي، كواليس فترة تدريب زوجها في نادي الزمالك، قائلة:” هو عارف أنه داخل في مرحلة صعبة وممكن في أي وقت ميكملش لأن أي مدرب بيتغير، وهما متعودين على مدرب أجبني والأجنبي بيجي بالفريق بتاعه، ده كل الموضوع.

لقاء الخميسي تكشف تفاصيل رفضها فيلم احكي ياشهرزاد

أما عن تفاصيل رفضها فيلم إحكي يا شهرزاد، فقالت لقاء الخميسي: اللي جوزي رفضه أنا كمان كنت هرفضه، وأنا مش واخدة على المشاهد المنفتحة الزيادة، وفيلم إحكي يا شهرزاد اتعرض عليا دور المحامية اللي كانت قصاد أستاذ محمود حميدة، وكان في مشهد على السرير واللي رشحني أستاذ وحيد حامد الله يرحمه، وقابلته وقولتله مش هقدر أعمله علشان مشهد على السرير، قالي أنتي بتهزري أنتي بترفضي فيلم لـ وحيد حامد وأنا شايفك نجمة؟ قولتله لأ أنا مش برفض فيلم لو حضرتك شيلت المشهد ده همثل، قالي مش أنتي اللي هتقولي لي أشيل إيه ومشيليش إيه.

وتابعت: لو كنت قلبت ده كان هيحصل لجوزي مشاكل، خاصة أن جمهور الزمالك كان بيشتم أنه اتجوز ممثلة، في أعمال مهمة جدًا رفضتها وقعدت أعيط أسبوع في البيت بسبب مشاهد، ورفضت فيلم سكوت هنصور مع يوسف شاهين وكنت هموت، رفضت الفيلم بسبب مشهد بوسة، وروبي هي اللي عملت الدور.

وأضافت: لو رجع بيا الزمن لو مفيش بوسة في الفيلم هقبله، وأنا مبقولش أن اللي هيعمل ده مش كويس، ولكن أنا مش هقدر، والفيلم التاني إحكي يا شهرزاد مشهد كان بالنسبة ليا تقيل أوي ووقتها كنت متجوزة، ولو المشهد ده كنت عملته محمد عبد المنصف كان هيقعد في البيت.

قد يعجبك ايضآ
اترك رد

لن يتم نشر عنوان بريدك الإلكتروني.