أحدث أخبار الفن والرياضة والثقافة والمرأة والمجتمع والمشاهير في كل المجالات

قصيدة امى عامية للشاعر محمد عبد المنعم

امي

دي قصتي وحكايتي وانا بيها باتباها

حبها عشقها دا هوايتي ما انا كنت روح جواها

حاساني عايشاني سانداني وامي دي لولاها

مكانش ليا وجود

ولما اتوه واتغرب وتاخدني الدنيا بعيد

ارجع ولحضنها اهرب وكأني طفل وليد

حنانها بيدفيني اقرب ليا م روحي

وجودها حلي سنيني ونساني جروحي

فتح لي كل باب مسدود

ولما اكون ف ضيقة والدنيا معاندة فيا

القاها ف بحر دقيقة بتهون حزني عليا

ربي اسندها وعليها احميها من كل شر

امي دا انا روحي فيها ولحد اخر العمر

جسر حنانها ممدود

امي دي ارضي وجذوري وحنان مالوش نهاية

عشق سنيني وبحوري وحضنها دا حكاية

وقلبها دا حبيبي حاسس بيا علطول

في الاوجاع طبيبي من غير حتي ما اقول

والف وليه اعود

ربي وصاني عليكي يا شايلة دايما همي

امرني بعمري اراعيكي ولما تنادي باسمي

باحس اني من تاني علي ايدك باتولد

طول عمرك عايشة عشاني يا حبيبتي وللابد

حبك مالهوش حدود

امي

كلمات

محمد عبد المنعم

قد يعجبك ايضآ
اترك رد

لن يتم نشر عنوان بريدك الإلكتروني.