أحدث أخبار الفن والرياضة والثقافة والمرأة والمجتمع والمشاهير في كل المجالات

” لأن ما يخبأه لنا الله هو الأجمل” بقلم دعاء خطاب

ثم ماذا؟ .. لا أعلم ولكني اثق في قدره الله

“لأن ما يخبأه لنا الله هو الأجمل”

* ماكنتش صدفه اما فتحت موبايلك
وأنت متضايق ولاقيت في وشك
بوست او رساله بتقولك “فرج الله قريب”.

* ماكنتش صدفه وقت حزنك لما لاقيت اللي “بيتصل بيك” ويجبر بخاطرك ويقولك حاسس بيك.

* ماكنتش صدفه أما تكون مهموم
وتبص تلاقي اللي بيدعيلك
“براحه البال وفك الكرب”.

* ماكنتش صدفه لما شيلت هم فلوس مطلوب منك سدادها وسيبتها لله وفي آخر لحظه “أظهر تدبيره”ليك

* ماكنتش صدفه أما اتعشمت اوووي
في ناس وخذلوك ولاقيت اللي
حقيقي “وقفوا جنبك” ناس تانيه
خالص بعيد عن تفكيرك.

* ماكنتش صدفه أما تتلخبط في طريق وتلاقي نفسك في شارع تاني غير اللي قاصده يمكن تكون بتفادي حادث لو كنت استمريت.. وممكن تعدي بشخص محتاج للمساعده وتحس إن “ربنا ساقك” ليه.

* ماكنتش صدفه أما فاتك طياره
أو اتلخبطت لك خطط لسفر أو خروجه..اتفركش لك ارتباط.. ضاع عليك فرصه عمل وعرفت بعدها “الحكمه” وإن ده كان فيه الخير ليك، وربنا عوضك بالأفضل..واللي يناسبك اكتر ويفرحك اكتر.
كل شئ مخطط له بميزان دقيق
كل حدث بيقود لشئ معين في أحداث يومك.. وحياتك.. ربنا عايز يقولك حاجه من خلاله.. عايز يعلمك “تتقبل” اللي عكس رغبتك وتسلم للي ربنا اختاره وتعرف إن رزقك مستنيك وتقول في نفسك لحظتها “لعله خير”.
عايز يقولك بدعاء حد ليك ولا رساله
طمنك بيها او بتدبير أظهره ليك في
آخر وقت بأنه” لا حول ولا قوة الا بالله”🍀❤️

” أَنَّ مَا أَصَابَكَ لَمْ يَكُنْ لِيُخْطِئَكَ
وَأَنَّ مَا أَخْطَأَكَ لَمْ يَكُنْ لُيصيبك”

“توكلت في رزقي على الله خـالقي
وأيقنـت أن الله لا شك رازقي
وما يك من رزقي فليـس يفوتني
ولو كان في قاع البحار العوامق
سيأتي بـه الله العظـيم بفضلـه
ولو، لم يكن من اللسـان بناطق
ففي اي شيء تذهب النفس حسرة
وقد قسم الرحـمن رزق الخلائق”
” الشافعي”

قد يعجبك ايضآ
اترك رد

لن يتم نشر عنوان بريدك الإلكتروني.