أحدث أخبار الفن والرياضة والثقافة والمرأة والمجتمع والمشاهير في كل المجالات

لافينيا نادر أيقونة فنية تتألق فى مسلسل صوت وصورة 

لافينيا نادر أيقونة فنية تتألق فى مسلسل صوت وصورة 

 

حوار:ليليان خليل

 

دائما كالعادة تحرص جريدة أسرار المشاهير أن تبدع في تقديم الفنانين والمواهب الشابة، التي تعطي وتقدم كل ما عندها من فن جميل ومحترم ودائما تتألق في الأعمال الدرامية .

فتعمل جريده أسرار المشاهير أن تلقي الضوء على النماذج المليئة بالحيوية والنشاط، وتؤدي فنها بمنتهى الدقة والأمانة.

وليس فقط المواهب الشابة بل هناك مواهب صغيرة جعلت من نفسها أيقونة فنية مبهرة أمام المشاهدين . وأمام الفن الدرامي.

اليوم معكم حوار صحفي مع فنانة صغيرة شاركت في العديد من الأعمال السينمائية والدرامية… مثل فيلم شلبي مع الفنانة روبي ومسلسل حمد لله على السلامه مع الفنانة يسرا.

كما شاركت بالعديد من الأعمال كان اخرها منذ أيام قليلة مسلسل صوت وصورة بطولة الفنانة الكبيرة حنان مطاوع وعدد كبير من الفنانين معنا اليوم الفنانة الجميلة : لافينيا نادر بطلة من أبطال مسلسل صوت وصورة.

مين هي لافينيا؟

انا لافينيا نادر عندي 10 سنين في سنه رابعة إبتدائي في مدرسة نوتردام إسكول هليوبليس.

أول لما إتعرض عليكى دور دنيا بنت الفنانة حنان مطاوع قبلتي على طول ولا خفتي وقلقتي ؟

قبلت الدور على طول علشان الاستاذة حنان هي اللي كانت مرشحاني فأنا كنت متحمسة أوى للدور .

حسيتي فعلا إن حنان مطاوع مامتك وإنتى بتمثلي علشان كده المشاهد كانت بتطلع حلوة وحقيقية؟
أيوة أنا بحبها زي مامي وهي بتحبني زي بنتها علشان كده كل المشاهد كانت طالعة طبيعية .

لافينيا شبه دنيا في ايه ؟

شبها في إنها بتحب التيك توك وبتحب مامتها جدا بتعشقها .

إزاي إكتشفك الأستاذ عادل أديب؟

بابي كان بيمثل زمان بس هو سافر ولما رجع إشتغل في مسلسل نقل عام ، إخراج الأستاذ عادل أديب .
فهم كانوا عايزين طفلة وبابي وراهم شوية فيديوهات ليا فأعجب بيا… الأستاذ عادل أديب، وعملت أول مشهد ، وكنت أول مرة أقف قدام كاميرا وعجبت المخرج .

حبيتي الفن وأثبتى ده وكان ظاهر كثير جدا في المشاهد المسلسلات اللي أنتى قدمتيها طيب عرفتي منين إن عندك الموهبة دي؟

بابي لما رجع التمثيل كان داخل ورشة نقابة المهن التمثيلية وهو كان بيحفظ ملونجات، فطبعا دي كانت حاجة صعبة وكان بيقول لي وانا كنت بحفظ معاه إزاي بتعرفي تحفظي معايا وصورني فيديو، وده الفيديو اللي وراه للأستاذ عادل أديب .

مثلتي قدام فنانين كثير كان منهم روبي ويسرا وحنان مطاوع وغيرهم مين أكثر حد أثر فيكى ؟

طبعا أستاذة (حنان) أكتر واحدة لأن أنا كنت بمثل معاها، وهي حبتني حب غير طبيعي وفي نفس الوقت أنا بحبها زي مامي، وطول المسلسل إحنا كنا مع بعض وبنمثل مع بعض وقدام بعض وفي مشاهد كانت صعبة كنا بنمثلها مع بعض، وكنت بتعلم منها أدائها بصراحة يدرس .

قدمتي دراما وسينما وعملتي إعلانات من ضمنهم إعلان عن الإنتخابات، إيه وضع المسرح معاكي يعني لو جالك مسرح هتوافقي؟

هو المسرح هيبقى صعب أثناء الدراسة علشان بيبقى فية بروفات كتيرة، والعرض بيبقى بالليل وبطلع من برة برة على المدرسة.

إتعلمتي إيه من الفنانة حنان مطاوع؟

إتعلمت منها حاجات كتيرة أوى وأستاذة حنان ، هي إسمها حنان وهي إسم على مسمى وانا بحبها أوى بصراحة.

مين مثلك الأعلى من الفنانات الكبار اللي نفسك تبقي زيهم ؟

الفنانة سعاد حسني، علشان هي فنانة شاملة بجد، بتمثل وبتغني وبترقص وأستاذة يسرا لأن هي فنانة كل الناس بتحبها وتعتبر فنانة عالمية ومنى زكي، وأستاذة حنان مطاوع بصراحة الناس دي بحبها قوي وبتعلم منهم .

طموحك تبقي ممثلة كبيرة ولا نفسك يبقى ليكي مجال تاني غير التمثيل؟ أنا عمري ما هفكر أشتغل حاجة غير التمثيل .

 

قد يعجبك ايضآ
اترك رد

لن يتم نشر عنوان بريدك الإلكتروني.