الرئيسية » مشاهير اليوتيوب .. ندى واحمد

مشاهير اليوتيوب .. ندى واحمد

by ابراهيم مرزوق

= كتب : ابراهيم مرزوق

= فى هذه الأيام السوشيال ميديا وخصوصاً اليوتيوب أصبح عالماً ملئ بالنجوم والمشاهير وظهرت لهم مئات القنوات التى تضم محتويات مختلفة جذبت انتباه الجميع وأصبح لهؤلاء النجوم ملايين من المتابعين ..

ونحن فى ( أسرار المشاهير )  فكرنا فى هذا الباب لنتعرض فى كل حلقة لنجم من مشاهير اليوتيوب وإلقاء الضوء على قصة نجاحه ورحلة كفاحه وملامح من حياته ليستفيد القارئ من تلك التجربة .. واليوم نلتقي مع النجمان ( ندى واحمد ) ..

1

= احمد صالح وزوجته ندي احمد ثنائي شهير على اليوتيوب قناتهما يتابعها 420 الف متابع ويقدمان من خلال القناة محتوى ترفيهى متنوع مثل التحديات والمقالب الكوميدية كما يقدمان يومياتهم بشكل طريف محبب الى القلب .. عند رؤيتهما لأول مرة تشعر بارتياح شديد فهما يقدمان محتوى خفيف بابتسامات وضحكات تدخل لقلبك البهجة والسرور .. احمد يبلغ من العمر 23 عام ويدرس تجارة .. وندى تبلغ من العمر 21 عام وتدرس آداب .. وهوايتهما هى التمثيل .

2

= تحدثا احمد وندى لـ ( أسرار المشاهير ) فقالوا : في البداية كانت أحلامنا بعيدة عن اليوتيوب فكل حلمنا كان فى اتجاه واحد وهو ان نصبح ممثلين سينما .. وطلبنا من الفنانين ان يساعدوننا قبل اليوتيوب لكن للأسف لم نجد من يهتم بموهبتنا .. لكن البعض قدم لنا النصائح مثل الفنان محمد رمضان قال لنا ابدأوا بالمسرح وفي المقابلة قمنا بتقليده في اكثر من عمل وكان سعيد بموهبتنا .. كذلك الفنان الرائع تامر حسني رحب بنا جدا بكل تواضع وهو اكثر فنان تفاعل وأتكلم معانا وأكد لنا إننا حتما سوف نصل للنجاح طالما مجتهدين فى كل شئ نفعله .

3

= وقالت ندي إنها كانت تمثل فى المسرح لكن الجواز والأولاد جعلوا هذا الامر صعب فتركت المسرح من اجل أسرتها .. وقال احمد انه عمل اكثر من 50 كاستنج وكانوا يقولون له انتظر منا اتصال ولم يتصل احد ..

4

= قمنا بعمل إعلان لرمضان عام 2014 لكن للأسف الإعلان لم يذاع فى التليفزيون بعد ذلك فكرنا ان نبدأ فى دخول عالم اليوتيوب لانه أكيد سوف يساعد على توصيل موهبتنا للمشاهدين طالما لم نجد مساعدة من احد ..

5

= من المواقف الطريفة اللى تواجهنا إننا ممكن نجهز عشان نصور فيديو لكن بتصيبنا احيانا نوبة ضحك شديدة ونفضل نضحك بشكل هستيري امام الكاميرا واليوم يضيع ومانصورش من كتر الضحك .. وأصعب المواقف أننا صورنا فيديو كامل والكاميرا مش شغالة وكان الفيديو عبارة عن مقلب صعب جدا وباضرب ندي بالمخدة فغيرت اتجاهها والتليفزيون وقع وأتكسر .. والحمد لله مافيش مواقف اتعرضنالها بسبب الفيديوهات لان كل الناس بتحبنا واحنا بنحبهم جدا .. وكمان احنا قبل ما بنعمل فيديو بنفكر فيه كويس جدا لان الى بنقدمه بيدخل بيوت كتير ولازم تكون أعمالنا مقدمة بشكل محترم ولائق ..

6

= في بداية انشاء قناتنا علي اليوتيوب كنا متوقعين النجاح لكن مش للدرجة اللي احنا وصلنالها يعني احنا من اول فيديو نزل عندنا علي القناة كان جايب 100 الف مشاهدة في يوم وفي خلال 9 أيام كنا وصلنا 121 الف مشترك .. وفضلنا 90 يوم كل يوم ننشر فيديو والفيديو يأخذ 500 الف مشاهده يومياً ..

7

= احنا كنا متوقعين رد فعل من الإعلام اكبر وان قنوات التليفزيون المختلفة تستضيفنا لأننا كنا تريند علي اليوتيوب لمدة شهر كامل كل يوم تريند ثاني او ثالث لكن للأسف مافيش حد تواصل معانا ..

8

= أهم شي في المقالب والتحديات الكوميدية ان احنا نسعد الناس .. وفيه ناس كتير جدا بيكتبوا لنا أنهم كانوا في حالة حزن وبعد مشاهدة فيديوهاتنا بيحسوا بشئ من السعادة والانبساط ودى حاجة بتفرحنا جدا لان أصعب شئ انك تدخل السعادة والفرحة لقلوب الناس ..

9

= احنا حتى الآن لينا اكثر من 130 مقلب وتحدي وفيه قناة أخرى بنعمل فيها فيديوهات هادفة وأفلام قصيرة وفيه اكثر من فيديو فيها تعدى 11 مليون مشاهدة علي اليوتيوب .. وفيه فيديو منهم نشرناه علي الفيس بوك وتخطي 30 مليون مشاهدة علي اليوتيوب ..

10

= اشتهرنا بين المتابعين بجملة ( انتم اغلي حاجة في حياتنا ) وهى فعلا طالعة من قلبنا لذلك وصلت للناس وحبوها مننا .. ودايما الناس اللي بيكلمونا بيدعولنا احنا وأولادنا ( حياه وفيروز ) وأحيانا نبقى فى مول والناس من مختلف الأعمار يجوا يسلموا علينا بحب شديد وده بيكون اسعد أيام حياتنا وبنبقي سعداء جدا بهذا الحب وبنحس بثمرة نجاحنا ..  

11

 

Related Posts

Leave a Comment