مقلب حرامية .. كتبت دعاء جلال

مقلب حرامية

محدش هيفهم معاناتك ولا حد هيحس باللي جواك صدقني لو عشت عمرك كلة تكتم

في وجع وتمثل علي كل اللي حواليك وتتظاهر بعكس اللي أنت عايشة وبتمر بية علشان

تبان قوي وجااامد هيصدقوك وهيقولوا ازاي انت قوي كدة ؟!! بس من جواك هيكون

خراب وضلمة وفراغ مفيش حاجة في الدنيا ممكن تعوضة .، مش هتلاقي حاجة تفرحك

ولا هيكون فية حاجة تزعلك ، هتفرح وهتحزن بس مش هتوصل عمرك للمراحل القصوي

اللي معظم الناس بتوصلها وفي المجمل هيكون فية ديماً حاجة ناقصة في سعادتك حتة

ناقصة وحتي حزنك فية حتة ناقصة ، هتفوز وهتكسب الجولة وهتنتصر نصر زائف

غير محمود ولا مأمون العواقب ، هتلاقي نفسك في أتفة المواقف إنهارت وفي

أشد الظروف مش همك .. منطقة كدة في مشاعرك باردة جافة فيها حاجة منغصة حياتك

وملهاش علاج ، متقطع بين المظهر القوي اللي انت رسمتة ونجحت في اثباته لكل اللي

حواليك ودا انتصار .. وبين ضعف روحك وكسرت قلبك اللي مش قادر تحكيلهم عليها

ولا توصفها بالكلمات .. تائه بين الحاجات المستخبيه والحكايات اللي متحكتش والبيبان

اللي سايبها متواربة جايز في يوم تتفتح !!! بين أحلامك اللي دوست عليها وعملت فيها

جبروت وبين كلمة (كان نفسي ) اللي مش قادر تقولها لحد أصلك خدت نفسك مقلب حرامية

ومغفلتش حد غيرك .. وهتلاقي عندك علي الرفوف مركون كلام متقالش .. أصل مينفعش !!!

وشوية أمنيات وطموحات كده مصدية كانت في يوم بتلمع بس سيبتها للزمن يحط عليها التاتش

بتاعة ، خدعت نفسك كام مره بأنتصاراتك المزيفة اللي مش بسطاك ولا فرقالك علشان تكمل

الصوره الحلوه اللي انت رسمتها في عيون الناس علشان خايف تقول أصلي بحس زيكم

والله انا محتاج اكون فرحان …

حلم تفصيل .. كتبت / دعاء جلال

أنت حقك تكون فرحان مش أحتياج دا حق .. حقك يكون عندك حد يحضن قلبك

و يصدقة ويسمعوا ويقولك انت مش لوحدك .. حقك علي نفسك تلاقي مشاعر حقيقية

وناس حقيقية وقلوب بجد ، حقك تتعب وتغلب وتشكي وتحكي وتتسمع وتتفهم وتتحس

حتي لو من شخص واحد .. حقك تقول أنك تعبان ، حزين ، حقك تعبر عن مشاعرك

منغير خوف ومنغير حسابات .. لية ترضيهم وانت مش مَرضي ؟!! لية تبان تمام وانت

مش تمام ؟!! حقك ولازم تتمسك بية.. محدش هيديلك نشان ولا هيكرموك علي صبرك

وسكوتك هيشوفوك تمام ومحدش هيحاول أبداً ولا حتي هيفكر أنه يساعدك أصلك تمام ..

مش بقولك مقلب حرامية!!! أتألم كمان وأكبت كمان وكمان وحول خيبتك والامك لانتصارات

مهزوزه مفيش منها رجا ولا هدف ..

 

شقه عين شمس …. بقلم / حمزه عثمان

بس اقولك جدع والنبي يا كبير غفلتهم بس معلش بقي ملكش جايزة على الانجاز العظيم دا

لان محدش هيهتم لامر الموضوع دا قوي يعني ..الله أنت مش تمام ؟!!! ريح بقي والنبي

خلينا نركز مع الناس التعبانة المقهورة الغلبانة اللي مش تمام .. اما انت بقي ربنا يعينك

علي نفسك أصلك تمام: -(

أستشاريه علاقات Life coach
اخصائيه علاج نفسى وسلوكى وتنميه مهارات وتعديل سلوك أخصائى نفسى أكلنينكى

دبلوم صحه نفسيه وباحثه فى العلوم الانسانيه .
دعاء جلال

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد