منفاخ سياره يتصل بك_بقلم: رانيا كمال العربى

منفاخ سياره يتصل بك_بقلم: رانيا كمال العربى

قاعده وبتكلم انا وجوزي والكلام واخدنا

والاقي موبايله شغال رن رن

مين ده اللي بيرن كتير كده؟؟

قمت ابص واتطمن الاقي

مكتوب سرير بدورين يتصل

نعم ياخويا سرير بدورين يتصل

ازاي طيب؟؟ ده ايه الاسم المريب ده

واكتشفت انه ده رقم واحد

نجار بيعمل سراير بدورين

منفاخ سياره يتصل بك_بقلم: رانيا كمال العربى

وهو بيحب يعلم كل واحد بحاجه

ويوم تاني بتخانق معاه

ومتعصبه والاقي تلفونه بيرن

اضرب بعيني الاقي مكتوب منفاخ هوا ..

يالهوي شكلي هتنفخ النهارده

بصراحه بعدها لميت نفسي

وبطلت خناق وقلت له

انا الل غلطانه حقك عليا

ده شيطان ودخل بينا😂

رد أنت بس علي منفاخ

صحبك علي ما أعمل لك

عصير ليمون يعدل مزاجك

طلعت من المطبخ

لقيت جايله رساله

من طيور وحمام…

طبعا ده رقم عم محمود الفرايجي

طب ما تكتب كده

عم محمود الفرايجي

ايه شغل الغموض ده

ناقص تكتبه أنا طير في السما !!

ومفاتش دقيقتين وموبايله رن تاني..

ايه يا استاذ مين

“شكولاته حلوه أوي الكيلو بخمسين

” دي الل بترن لك؟؟

قالي والله ده راجل بيبيع شكولاتة

بالجملة والله ده واحد

حتي اسمه سيد

قلت له: طيب ما

تكتب سيد بتاع الشكولاته

قالي: كنت مستعجل بس

قلتله :كل السطرين دول ومستعجل !!

جوزي: بنسي الاسامي بسرعة

وبعمل علامه ..

أناي بقي ياهانم عندك

ثري ميسد كوول !!

من “مامه البنت اللي ضربت زينه”

و”مامه البنت اللي زينه ضربتها”

ومن “سلمي اللي بتغني

مصر التي ف خاطري.”

إيه الاسماء العجيبه دي !!

وبتتريقي علي أسمائي!!

أنتي كاتبه وصف تفصيلي

لكل اسم!!

ايه هتعمليلهم بطاقه !!!

ايه الرغي الكتير ده !!

هيا كلمه واحده

مش تلات جرايد!!

والحمد لله لولا انه موبايله رن

مكانتش الخناقه

العبيطه دي خلصت

عايزين تعرفو مين كان بيرن عليه

كانت( الجزامه)

تقريبا النجار التاني

الا بيعمل الجزامه

وهو بسرعه كتبه الجزامه

أنا بس مش صعبان عليا

غير الراجل الغلبان ده

لما يلاقي اسمه على

true caller جزامه))

قد يعجبك ايضآ