هون يارب وسلم… 

 

هون يارب وسلم… 

بقلم / شيماء ربيع

 

لما تكون عايش ومش عايش

لما تحسس كل اللى حواليك أنك سعيد

وأنت من جواك كسرة وغصة وآلم وحزن

ربنا وحده العالم باللى جواك

في ناس كتير أكتب عليها الحزن منذ الصغر

وناس أكتب عليها الحزن من وقت معين

ومن الوقت ده وهما ما فرحوش ولا عارفين يفرحوا

الدنيا دي أغرب من الغرابة

فيها الحزين وفيها السعيد وفيها اللى عايش وعامل سعيد وهو أتعس مخاليق ربنا

تعمل أيه لما تحس أنك بتعمل خير كتير والخير ده ما بيطمرش في حد

وأوقات كتير ما بيطمرش في ناس معينة مهما عملت معاهم

لأن أساسهم مش تمام

أساسهم النكران وقلة الأصل

أما هما بينكروا خير اللى منهم ومن دمهم مش هينكروا خيرك وفضلك

أكيد هينكروا طبعا مهو طبع فيهم النكران

ما تزعلش لما تقابل ناس بالشكل ده

سيبك منهم ودير وشك عنهم

لأنك حتي مش هتقدر تبص عليهم
لانك أتربيت على اللى فى قلبك بيبان على وشك

واللى فى قلبك على لسانك

( للأسف حظك كده )

ولا ينفع تبدله ولا تسلفه لغيرك

لكن كل اللى تقدر تعمله أنك ترضى بنصيبك

طيب لما الواحد يتعب وبزيادة وما يقدرش يتحمل أكتر من كده(يعمل أيه)

برده يرضى بنصيبه مهو هيعمل أيه غير الرضا بالمكتوب ويكون بقناعة

أوقات كتير بنسخط وده أكبر غلط بس غصب عننا
مهو أحنا لا حول لينا ولا قوة هنعمل أيه غير أننا نسكت ونرضى بغدر الزمن والأيام
وغدر الأشخاص

في ناس ربنا خلقهم دواء ليك وناس أتخلقوا للأذية ويتكلموا عليك

اللى ربنا خلقهم دواء ليك نعمة من الله ربنا يحافظ عليهم

واللي أتخلقوا لأذيتك وأذية غيرك والكلام عليك حسبى الله ونعم الوكيل فيهم وربنا ينتقم منهم بعدله وكرمه

يارب خلقت ناس لأسعاد ناس تانية

ولحد نفسهم تعسه ومكسورين من جواهم

( هون يارب وسلم )

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد