” وأختر لقلبك ما يليق بمقامه”

” وأختر لقلبك ما يليق بمقامه”

تكتبها / دعاء خطاب

إنك تشوف عيوب الشريك
الحبيب.. الصديق.. وتعديها وتتغاضي
وتتعامي وتغض النظر عنها.. عن قصد
علشان تحافظ عليه..و باقي على العشره
أو إنك شخصيه Easy going
واخد الحياه ببساطه أد ماتقدر
بيبقى كأنك قابل لأي شئ غلط منه
ومتنازل مقدماً عن حقك في نفسك
حقك في التقدير.. في إحترامه ليك
لأنك.. مشتريه وباقي عليه!!
و واحده في واحده.. بتبقى العلاقه دي
وإستمراريتها مسؤليتك.. وبتخضع
لمدى تحملك وصبرك وسلسله
التنازلات اللي بقى واجبك تقدمها
ومره بعد التانيه بترخص فعلاً
في عينيه… اد ما انت رفعته
وغليته في قلبك!!
ولما تنزل كلمه النهايه اللي بتعني في
مضمونها… انا جبت آخر أخرى معاك
بيبقى موقفك مش مفهوم ويمكن
محدش يقدر أنت أد إيه استُنزفت
في العلاقه دي.. و مبقتش قادر تدي
فيها قطره كمان.. نوع من الجفاف العاطفي بيصيب قلبك وإحساسك
و الأسوأ إنك كمان مابقتش عايز حاجه
من العلاقه دي.. وواقف عند الحد اللي
خلاص مافيش حاجه منه ممكن
تلمسك.. فقدت الشغف..
فقدت نبض قلبك معاه.

علاقه فقدت مقومات الحياه”

اترك رد

لن يتم نشر عنوان بريدك الإلكتروني.