أحدث أخبار الفن والرياضة والثقافة والمرأة والمجتمع والمشاهير في كل المجالات

وحشتينى كلمات محمد عبد المنعم

وحشتيني
يا إللى بعادك كان على عينى

وحشتنى أيامك. وطفولة أحلامك
صوتك. سكوتك
ولهفة عينيكى وخوفها عليا

وحشنى شهد كلامك. ودوبانى فى سلامك
رقتك. لهفتك
وحضن ايديكى ف حضن ايديا

حتى دمعك مش ناسيه. قلبى بتفكرنى بيه
ما اهو حاجة برضه منك

ليل الشتا بعدك بردان. وأنا مش انا خيال إنسان
وكل حاجة فيا بتقول انك

وحشتينى

يا أوفى قلب غير لون سنينى
وحشتنى عينيكى المغرمين. المليانين حنين
ضحكك حتى بكاكى. مشتاق من تانى ليهم

عايش بالاسم عايش. طيف إنسان ع الهامش
سنينه بتعدى تفوت. وبالجراح عايش لياليهم

بعدك قطر سعادتي فات. وجرحى مدوبنى ف بحر آهات
وحتى نعمة النسيان مقدرتشى

يوم تنسى عينيا حبك. ولا حنينى لحضن قلبك
وكل ما فيا ليه ما اعرفشى

بيقول
وحشتينى
يا حب خدنى منى وكان ف تكويني
وحشنى كل مكان. شاف هوانا زمان
كل طريق. كل شئ
سايبة فيه ذكرى وأثر

وحشنى طعم براءتك. وعبير ورد ابتسامتك
وجناين قلبك. كلمة بحبك
لما شفايفك ننطقها غير كل البشر

مشتاق اسمع نبض حروفها. احسك اضمك احضن طيفها
ما احسش انك يوم بعدتى

والاقى قلبى شايفك قريبة. بيعلن انك آخر حبيبة
وف كل دقة بيقول حبيبتى

وحشتينى

كلمات
محمد عبد المنعم
منعم

قد يعجبك ايضآ
اترك رد

لن يتم نشر عنوان بريدك الإلكتروني.