ياترى هتصالحنى فى رمضان …. بقلم / كامل بدرخان

شعر / كامل بدرخان

ياترى هتصالحنى فى رمضان؟

بقلم / كامل بدرخان

ياترى هتصالحني في رمضان ؟!
ولَّا انت لسه زعلان
إخزي يا حبيبي شيطانك
وعَدِّي بحرك وشطآنك
وارجع حبيبي مكانك
ملعون أبو الشيطان
تعالى وافطر معايا
وبُص حبببي في المراية
دا نُص حلاوة الدنيا فيك
وروحي دايما بتناديك
وقلبي اللي بين إيديك
هو دا كل الحكاية
ومع السَحَر والسحور
وعيونك بتسجِر بحور
وتسحر في كل كياني
يا ضارب قلبي وأركاني
وعارف فين مكاني
أجيلك نوَلَّع بخور
والفجر تصبح صايم
بَلاش هجرك يا هايم
الغدر مش شيمة الحبايب
وارحم القلب اللي دايب
اللي يفطر في رمضان خايب
الحب لا سحر ….. ولا تمايم

التعليقات مغلقة.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبول قراءة المزيد