أفصل دي التلاجه بتفصل_ بقلم: رانيا كمال العربى
أفصل دي التلاجه بتفصل فيه أيام كده بحس فيها أن أنا غبيه أو مخي تخين وبالذات
لما حد يكلمني في موضوع مهم..
تلاقيني أسأل سؤال في منتهي الغباء
اللي هو اللي قدامي عايز يقولي: يا خسارة الشرح اللي بشرحه بقي لي ساعه..!! البعيدة ذكية
وساعات مخدش بالي وأفضل أتكلم في موضوع مهم وأسترسل في الافكار وفجاه افصل واعطل في النص وابقي عاملة زي التلاجه اللي بتفصل بالضبط !!
اللي هو كله مستني يعرف ايه اللي حصل؟؟ وايه نهايه الحكايه اللي بحكيها!! ماتكملي ياولية!!
أفصل دي التلاجه بتفصل
ولما بتجيلي حاله الغباء والتناحه المفاجئه دي بعرف اني محتاجه اعمل اعادة شحن للبطاريه !! زي الموبايل كده بالضبط.. يعني الموبايل يشحن واحنا لا!! هو احسن مننا في حاجه!!
ما طبيعي الواحد يفصل شويه وشحنه يفضي..لازم كل فتره ندلع نفسنا ونروح عنها ..لازم نعيد شحن من اول وجديد والا البطاريه هتخرب وتنهار
ومش هيحوق فيها حاجه بعد كده..
أفصلوا دي التلاجه بتفصل !!
التعليقات مغلقة.