إدارة الجودة وإسعاد المواطن من قبل وزارة الكهرباء والطاقة

إدارة الجودة وإسعاد المواطن من قبل وزارة الكهرباء والطاقة.

كتب… احمد بساط 

وزارة الكهرباء والطاقة المتجددة أنشأت الوزارة إدارة جديدة اسمها “إدارة الجودة وإسعاد المواطن”!.. إيه الحكاية؟..
الحكايه تبداء بتكليف مباشر من الدكتور “محمد شاكر” وزير الكهرباء تم إنشاء إدارة متخصصة في مراقبة جودة الخدمة المقدمة للمواطن وقياس مدى سعادته ورضاه عنها.. الإدارة تم إنشائها في الشركة القابضة لكهرباء مصر برئاسة المهندس جابر دسوقى و بإشراف المحاسب عبد المحسن خلف العضو المتفرغ للموارد البشرية والتدريب و الدكتور خالد الدستاوى العضو المتفرغ لشئون شركات توزيع الكهرباء..

الإدارة دي هتعمل إيه؟.. هتتأكد من سرعة حل شكاوي المواطنين سواء الخاصة بالفواتير أو الشكاوي الفنية أو الإدارية.. معظمنا عارفين إن أغلب شكاوي الناس مع الكهرباء متعلقة بالفواتير وإن فيه كتير بيشوفوا إنها جاية بأسعار أكبر من اللي استهلكوه،

ورغم إن المشكلة دي معدلاتها قلت جداً خلال الفترة اللي فاتت خصوصاً لما بقى إصدارها بيحصل بأعلى مستوى من الدقة نتيجة اعتمادها على أحدث أساليب التكنولوجيا، وتراجع نسبة التدخل البشرى فى إصدارها؛ لكن برضه لا يمكن تجاهل أى شكوى من مواطن وهيتم فحصها ومحاسبة المخطئ لو وجد..

حالياً كمواطن خليك عارف إن فيه إدارة كاملة تم إنشاءها بهدف إرضاءك وإن الاهتمام هيكون مضاعف من خلالها بأى شكوى هتقدمها.. كل ما عليك بس إنك تقدم شكوتك لشركة توزيع الكهرباء اللي أنت مشترك فيها أو على الخط الساخن رقم 121، وبعدها هيتم حلها في أسرع وقت.