أحدث أخبار الفن والرياضة والثقافة والمرأة والمجتمع والمشاهير في كل المجالات

ازاى تعلي الحرق بطرق طبيعيه بقلم خبيره التغذيه ايمان عبد الرحمن

كتبته خبيرة التغذية / إيمان عبد الرحمن

هقولكم علي حاجات اساسيه نستخدمها

المايه اول عامل اساسي لاستمرار الحرق في جسمك اقل حاجه 2 ل ٤ لتر يوميا ونشرب اى وقت

الليمون بيعلي الحرق جدا نستخدمه في اكلنا وعلي المايه الدافيه المغليه صباحا

الشاى الاخضر ممتاز للحرق 2 او 3 كوب في اليوم وممنوع للمرضعات والحوامل والضغط الواطي والانيميا وبعد الوجبه بساعتين

القرفة من اهم الحاجات البي بتعلي الحرق لكن غلط للحوامل والمرضعات وأصحاب الضغط العالي

الفلفل الحار والشطه وكل التوابل عموما بيعلوا الحرق جدا استخدميها في اكلك

التفاح والبرتقال ممتازين في الدايت كوجبه سناك وبيعلوا الحرق

زبادي بليمون وقرفه قبل النوم بيعلي الحرق جدا

الينسون والنعناع والشمر ممتازين وبيعلوا الحرق جدا
والشمر للمرضعات فقط

النسكافيه ميكس ممنوع نهائي
والقهوه والشاى ليكم كوب واحد في اليوم اكتر من كده بيعطل الحرق

اخر حاجه واهم حاجه اى اكل صحي وبكمياتنا المطلوبه هتخسي حتي لو حرقك ضعيف اهم حاجه النظام الصحي واى حد بيتعب من اى حاجه اللي كتبتها فوق مش لازم ياخدها ومش هياثر علي النظام

سحر ماء الديتوكس

مشروب الديتوكس للتخلص من دهون الجسم
المكونات:
2/4 كوب من الماء المثلج.
شرائح من الخيار الطازج.
اوراق النعناع الطازج.
نصف ليمونه مقطعه شرائح.
ربع برتقاله مقطعه شرائح.

ازاي تعملي الوصفه:
النعناع يساعد على الهضم و يقلل من تقلصات المعده.
الخيار له خصائص عديده مضاده للإلتهابات و مانعه لإحتباس الماء بالجسم.
عصير البرتقال يحفر نظام المناعه لديك و يقلل من مستويات الكوليسترول.
الليمون يساعد في تنظيف الجهاز الهضمي و هذا نسبه الى قدره الأحماض علي التنقيه و التطهير.

طب ممكن استبدله بالمياه العادية: يمكنك إستبدال مياه الشرب العاديه بالديتوكس للمحافظه على الترطيب طوال اليوم. حاول تبديل الفواكه كل 2-3 مرات من إضافه الماء لتتأكد من حصولك على الفائده من شرب ماء الديتوكس

معلومة مهمة
الزيادة في الوزن مش سببها الدهون في المقام الأول .. السبب الأساسي هو السعرات الحرارية.!
لما ناكل سعرات حرارية زيادة عن إحتياج الجسم و من أكل غير صحي كمان فـ اكيد هيزيد

لو بنعمل دايت محتاجين ناكل دهون عشان الدايت ينجح, الفكرة كلها في مصدر ونوع الدهون اللي يكون صحي لينا و لجسمنا. اي نظام غذائي مفيهوش دهون بيأثر علي قدرة الجسم في حرق الكاربوهيدرات وده معناه ان جسمنا هيخزنها دهون. هيحصل عكس اللي احنا عايزينه.

قد يعجبك ايضآ
اترك رد

لن يتم نشر عنوان بريدك الإلكتروني.