اسد وسط الحشود…بقلم / ماجدة البهيدي
اسد وسط الحشود
بقلم : ماجدة البهيدي
مات البطل مين اللي قال
قالوا اتقتل لا لا محال
ده عاش ويسلم مرتين
بضربة بس هز الجبال
قام الجدع عدا الحدود
برصاصة واحدة من البارود
خلا المكان بركان دمار
وضحك على كل اليهود
تعيش عيونك يا صلاح
اول م جيت الفجر لاح
رويت بدمك ليل حزين
ومعدش من بعدك جراح
و رفعت راسنا كلنا
صحيت ما بنا حلمنا
المزيد من المشاركات
الله يباركلك والله يابني
اخدت فعلا حقنا
يا فجر بلدي واحلا ليل
جريت لوحدك جيش طويل
دي قرصة بس علشان يفوقه
المصري مش سهل وهزيل
دحنا اللي وسط النار نفوت
واللي يعدينا نخفيه ف تابوت
كنت اسد وسط الحشود
ولا خوفت حتى انك موت
الكل يسأل يلا العجب
ازاي لواحده ده غلب
خلا الكيان مليان خراب
والله صحيح فخر العرب
هو أتضرب اه انما
بقيت دي سيرته ملحمة
ورسمنا صورته ع الحيطان
واسمه منقوش ف السما
