الجواز مش بالغصب

بقلم/ فاطمة طايع 

خبط علي البيت عريس

قفلو في وشه الباب وكانه إبليس

سألت الناس عن الرفض

رد أبو العروسه وقال الجواز مش بالغصب

ليه ياعمنا العريس جه من بابه

وجاب معاه كل أحبابه

دا عريس شاب وسيم

بس مش معاه ورث ولا طين

رد أبو العروسه وقال بنتي تتقدر بملايين

واحنا علي الجواز مش مستعجلين

بنتي يتجوزها مهندس أو دكتور

وكيل نيابه او مأمور

وبعد مرور السنين

خبط علي البيت عريس

استقبلوه زي ما بنستقبل رمضان بالفوانيس

دا لا ليه أصل ولا فصل

كل ايلي معاه عربيه وشقه في مصر

وفي قعدتهم قالوا موافقين

وعليه مش معترضين

كل زياره يجيب هدايا

والناس تستغرب وتقول إيه الحكايه

وفجأه اختلفوا علي الجهاز

واتفشكل الجواز

العريس طلب الشبكه والهدايا

وقال انتو طمعانين فيا من البداية

انتو ناس جعانين

ومن الهدايا مش شبعانين

أنا مش راجل غبي

انتو وافقتو لما عرفتو اني غني

كل شويه طلبات

وانا بجيب من سكات

بس تحملوني كل الجهاز

والله دا حرام وابتزاز

الجواز مش بالغصب يا عم الاستاذ