السمك البلطي المقلي مع الارز الاحمر مقدمه من ايمان حمزه
كتبت سمسمه سعد
مده التحضير 15دقيقه
مده الطهى 10دقايق
المكونات
كيلو سمك بلطى
دقيق /زيت للقلى
التتبيلة (توم وكمون وليمون وملح وفلفل اخضر حار)
هنغسل السمك وبعدين نتبله بالتوم والملح والكمون والليمون والفلفل الاخضر ونعمل شق في السمكه بالسكينه علشان التتبيلة تدخل جوه السمكه
ونعفر السمك بالدقيق وننزله في زيت ساخن ونطلعه علي ورق مطبخ ونقدمه. ونزينه بشرائح الليمون
لعمل الارز الاحمر:
مده التحضير 5دقايق
وقت الطهي:,30دقيقه
المكونات
2كوب ارز مصري
صلصه/بصله مبشوره
ملح وفلفل/زيت
نسخن الزيت في حله وننزل بالبصله المبشوره واول ما تحمر هننزل عليها بالمياه المغليه ونتبلها بالملح والكمون واول ما يغلى هننزل بالارز ونغطى عليه ونسيبه لحد ما يغلى وبعدين نهدى النار لحد ما يستوى
رئيس قسم المطبخ أ سمسمه سعد/ أ اسماء عزازي